REFLEKSHON DIESSINKU AÑA ENTIDAT PÚBLIKO A PASA PA ISTORIA SIN UN MENSAHE NI DI KOLEGIO EHEKUTIVO NI DI KONSEHO INSULAR.

Kralendijk,- Por tende ku tin kos a kambia i tin kos pa mehorá. Ta tristu pa skucha kon tiki konosementu di pueblo ta riba tereno di gobernashon, pa no papia mes di historia di polítika.

Ami no ta interesá den 20 aña pasá, pero sí den dos aña di e koalishon ku ta mará ku man ku pia na Kolegio Ehekutivo.

Ehèmpel resien ta disertashon di diputado Abraham tokante pensamentu, no maneho, relashoná ku Lèntfil i Selibon pa despues koalishon bini ku un moshon eksaktamente loke diputado a bisa. Pues Diputado ta bisa ki ta bai hasi, koalishon ta aseptá un moshon ku mes pensamentu di diputado. Ku otro palabra diputado mes ta Kolegio Ehekutivo i alabes konsehal. Si un konsehal papia di 20 aña (2005 pa 2025) i tira falta riba James, Jona, Benito, Daisy, Hennyson i Rolanda, fanátikonan sin averiguá ki historia ta papia ta aploudí loke e konsehal a trese dilanti i bira personal kontra, sigur James Kroon UPB. No ta konosementu ta papia sino fanatismo, nostalgia i adorashon ta bini dilanti. Debate no ta tuma lugá pa fortifiká demokrasia.

Tin11 mion disponibel relashoná ku sklabitut ku mester ta na bienestar di desendientenan di katibu. Laga nos usa e kapital aki den enseñansa na Forma i SGB pa formashon i ohalá bini un HBO na Bonaire. Tiramentu di falta riba otro ta un herensia di sklabitut. Mi pregunta. Nos ta sigui brasa e herensia aki òf nos ta liberá nos mes i traha riba un komunidat hustu. Karel Doorman a bisa: “Mi ta ataká ken ta sigui?”  

FUENTE: ARTHUR SEALY