HULANDA: GREENPEACE TA PIDI KORTE PA HASI LOKE GOBIÈRNU TA NENGA: PROTEHÁ HENDE NA BONEIRU DI E KRÍSIS DI KLIMA

Den Haag, Korte di Den Haag lo duna su veredikto den e Kaso di Klima di Boneiru dia 28 di yanüari 2026. E ora ei lo sali na kla si korte lo obligá Estado Hulandes pa pèrkurá di bini ku un plan pa protehá habitantenan di Boneiru kontra e krísis di klima, i si mester redusí emishon di CO2 mas lihé pa yega na sero. Esaki ta loke Greenpeace Hulanda huntu ku 8 habitante di Boneiru a boga p’e durante e seshonnan den korte di e último dos dianan.

E kaso den korte a sigui un proseso largu di kòmbersashonnan ku Estado Hulandes, for di kua a sali na kla ku gobièrnu no ta dispuesto pa hasi loke tin mester.

Greenpeace i 8 habitante di Boneiru a señalá ku e isla ya ta sufriendo di e konsekuensianan di e krísis di klima. Tres di e demandantenan a lesa un deklarashon na komienso di e seshonnan den korte. Un di nan tabata Onnie Emerenciana, kende a deklará na nòmber di e 8 demandantenan di Boneiru:

“Nos ta kontentu ku nos por a konta nos historia den korte; nos problemanan awor a ser skuchá. Pero nos ta desepshoná ku e posishon di Estado Hulandes. Nan a duna di konosé ku no tin un plan pa Boneiru ainda, manera tin un Plan Delta pa Hulanda Europeo, pasobra nos no a eksperensiá un kalamidat ainda. Pero no mester ta asina ku un kalamidat tin ku sosodé promé, pa por traha un plan; den e kaso ei no tin kuestion di protekshon. Estado Hulandes ta sigui bula pipa pa su responsabilidat i ta skonde tras di Union Europeo òf OLB. Tabata dianan largu i pisá, pero nos ta determiná pa lucha pa nos kousa.”

Marieke Vellekoop, direktor di Greenpeace Hulanda: “Nos ta den korte pasobra Estado Hulandes ta ninga di hasi loke ta su deber: protehá hende. Durante e seshonnan den korte a sali dolorosamente na kla ku gobièrnu no ta tumando e menasa di klima pa Boneiru na serio i lo no tuma akshon sin ser obligá. Esaki no solamente ta profundamente desepshonante, pero sumamente preokupante. Netamente p’e motibu ei, awor e bala ta den kancha di korte.

Pa e ocho habitantenan di Boneiru, e veredikto akí ta trata di nan bida diario, awor i den futuro. Pero e veredikto akí ta konserní tur hende, pasobra tanten ku e krísis di klima ta sigui, niun hende no ta sigur di bèrdat.”

FUENTE: GREENPEACE/LIVE99FM

NEDERLANDS:

GREENPEACE VRAAGT RECHTBANK TE DOEN WAT DE OVERHEID WEIGERT: MENSEN OP BONAIRE BESCHERMEN TEGEN DE KLIMAATCRISIS

Den Haag, – De rechtbank Den Haag doet op 28 januari 2026 uitspraak in de Klimaatzaak Bonaire.

Dan wordt duidelijk of de rechtbank de Nederlandse Staat verplicht om ervoor te zorgen dat er een plan komt om inwoners op Bonaire te beschermen tegen de klimaatcrisis en of de CO2-uitstoot sneller naar nul moet. Dat is waar Greenpeace Nederland samen met 8 inwoners van Bonaire voor heeft gepleit tijdens de hoorzittingen vandaag en gisteren.

De rechtszaak volgde op een lang proces van gesprekken met de Staat, waaruit duidelijk werd dat de regering niet bereid is om te doen wat nodig is. Greenpeace en 8 inwoners van Bonaire hebben aangekaart dat het eiland nu al gebukt gaat onder de gevolgen van de klimaatcrisis. Drie van de eisers lazen een statement voor bij het begin van de zittingen. Een van hen was Onnie Emerenciana, hij reageert namens de 8 eisers van Bonaire:

“We zijn blij dat we ons verhaal hebben kunnen doen in de rechtbank, onze problemen zijn nu gehoord. Maar we zijn teleurgesteld over de opstelling van de Staat. Die stelde dat er nog geen plan is voor Bonaire, zoals een Deltaplan in Europees Nederland er wel is, omdat we nog geen ramp hebben meegemaakt. Het zou toch niet zo moeten zijn dat er eerst een ramp moet gebeuren om een plan op te stellen, dan is er geen sprake van bescherming. De Staat blijft zijn verantwoordelijkheid uit de weg gaan en verschuilt zich achter de EU of het OLB. Het waren lange, zware dagen, maar we blijven strijdbaar.” 

Marieke Vellekoop, directeur Greenpeace Nederland: “Wij staan in de rechtbank, omdat de Staat weigert te doen wat zijn plicht is: mensen beschermen. Tijdens de zittingen werd pijnlijk duidelijk dat de overheid de klimaatdreiging voor Bonaire niet serieus neemt en zonder dwang geen actie zal ondernemen.

Dat is niet alleen diep teleurstellend, maar ronduit zorgwekkend. Precies daarom ligt de bal nu bij de rechtbank. Voor de acht inwoners van Bonaire gaat deze uitspraak over hun dagelijks leven nu en in de toekomst. Maar deze uitspraak gaat iedereen aan, want zolang de klimaatcrisis doorgaat, is niemand echt veilig.”