EDDY CHRISTIAAN A LANTA I HAÑA EDUKASHON DEN KAS DI FAMIA POURIER NA RINCON.

Kralendijk,- Yùfrou Emma Pourier di akuerdo ku Eddy a influensiá su bida komo ku e mester a biba leinan di Dios skirbi den dies mandamentu.

Den kombersashon ku Eddy el a splika mi ku nan komo famia a biba un bida hopi duru i den nan lucha i tristesa nunka a skohe pa hasi kos robes pero tabata puntra ki ta sentido i meta di bida.

A tuma tempu pa Eddy ku ayudo di su mama i e edukashon risibí  di yùfrou Emma a bin komprondé ku tin algu ku ta determiná nos eskoho i bida.

E algu ei Eddy a buska i bin haña den leinan di naturalesa. Pa Eddy e leinan ei ta esunnan korekto ku no konosé negativismo, pero hende tin tambe den su mes loke nos ta yama boluntat liber. E dos forsanan aki, eksterno i interno, ta importante pa nos komportashon.

Durante kombersashon di mesa di Grupo di diálogo Bonaire tokante influensia di sklabitut den nos komunidat Eddy a mustra ku loke desendientenan di katibu a heredá ta influensiá pa leinan di naturalesa i no di nan boluntat liber. Di akuerdo ku pensamentu di Eddy Christiaan ta e siguiente:

Ta nos desendientenan di katibu ta kousa di nos eskoho. Ta ami ta e kousa pa skohe pa skirbi tokante Eddy komo mi amigu i miembro di Grupo di Diálogo Bonaire determiná pa leinan di naturalesa.  

FUENTE: ARTHUR SEALY