KORSOU: WARDAKOSTA TA INTERSEPTA BOTO PISKADO KU 230 KILO DI DROGA.

Willemstad,- Den ora nan trempan di djaweps mainta (18 di sèptèmber) Sentro Operashonal Marítimo di Wardakosta a tuma nota di un kontakto sospechoso nabegando for di zùit, den direkshon di Klein Kòrsou. 

Inmediatamente a alerta personal di Punto di Sosten Kòrsou pa asina sali ku un Metal Shark den direkshon di e boto. Tambe a pidi sosten di personal di helikòpter ku a sali ku rapides pa investigá e situashon.

Na momento ku a yega serka di e boto, a tuma nota ku ta trata di un boto piskadó lokal. Personal di Wardakosta a disidí di bin bek ku e boto i e dos persona nan, pa asina por hasi un kontrol riguroso na base di Wardakosta Parera.  Huntu ku personal di Duana i asistensia di nan kachó a logra di haña un kantidat grandi di pakete.  Ta trata di aproksimadamente 230 Kilo di kokaina.

E dos persona nan riba e boto huntu ku e droga a ser entrega na personal di polis pa sigui ku e investigashon. Miéntras tantu a destruí tur droga.

FUENTE: WARDAKOSTA/LIVE99FM

 NEDERLANDS:

KUSTWACHT ONDERSCHEPT VISSERSBOOT MET 230 KILO DRUGS

Willemstad,- In de vroege ochtend van donderdag 18 september heeft het Maritiem Operatiecentrum van de Kustwacht een verdachte boot waargenomen die vanuit het zuiden in de richting van Klein Curaçao voer.

Direct werd het Steunpunt op Curaçao hier over geïnformeerd en werd er een Metal Shark-eenheid ingezet, die met spoed uitrukte om het vaartuig te controleren.

Ook werd een Kustwacht helikopter ingezet om de situatie vanuit de lucht te onderzoeken. 

Bij nadering bleek het te gaan om een lokale vissersboot. Het Kustwachtteam besloot het vaartuig samen met de twee opvarenden naar de Kustwachtbasis Parera te begeleiden voor een grondige inspectie.

Tijdens de controle, uitgevoerd in samenwerking met de Douane en met ondersteuning van een Douane hond, werd een grote hoeveelheid pakketten aangetroffen. Het gaat om ongeveer 230 kilo cocaïne.

De twee verdachten en de aangetroffen drugs zijn overgedragen aan de politie voor verder onderzoek. De in beslag genomen drugs zijn inmiddels vernietigd.