RICARDI MUÑOZ LO REPRESENTÁ BONEIRU DURANTE EVENTO DI BOKSEO “TEST YOUR SKILLS” NA ST. MAARTEN

Kralendijk,- E hoben Ricardi Muñoz ta sigui ku su trayekto internashonal den bokseo ku un pelea regional durante e evento di bokseo “Test Your Skills” riba 25 di yüli 2026 na St. Maarten. Durante e evento aki, Ricardi lo representá Boneiru atrobe den ring.

Despues di su ultimo prestashon internashonal na Brasil, kaminda el a bira kampion Sur-Amerikano den su kategoria di peso, e pelea na St. Maarten ta forma un siguiente paso importante den su desaroyo komo hoben bòksdó elite amateur. Te ku awor Ricardi a gana tur su peleannan, i ku esaki e ta sigui traha riba su posishon den e sirkuito di bokseo Karibense i Sur-Amerikano.

Ricardi Muñoz ta representá Boneiru ku orguyo den ring. E ta konosí pa su disiplina, trabou duru, perseveransia i mentalidat fuerte di kompetensia. Pa Ricardi, bokseo ta mas ku solamente deporte. Ta un manera pa e sigui desaroyá su mes, usa su energia na un forma positivo i pone Boneiru visibel riba nivel internashonal.

Segun Team Ricardi Muñoz, su partisipashon na “Test Your Skills” no ta simplemente un otro pelea, pero ta parti di un trayekto mas amplio pa sigui krese den region i riba nivel internashonal.

“Ricardi ke mustra ku talento di Boneiru por kompetí riba nivel internashonal. Su meta no ta solamente pa gana pelea, pero tambe pa representá Boneiru na un manera positivo i inspirá hobennan pa kere den nan mes, mustra disiplina i tuma nan talento na serio,” segun Team Ricardi Muñoz.

E evento na St. Maarten tin un nifikashon spesial pa Ricardi. Aña pasá tambe Ricardi a partisipá na e evento aki i a logra gana su pelea. Un otro prestashon fuerte na St. Maarten lo por yuda stabilisá su nòmber ainda mas komo un talento di bokseo den region Karibense i internashonalmente.

Ricardi a kuminsá kaba ku su preparashon i ta entrená bou di guia di coach Thuersten Winklaar. E simannan binidero lo ta enfoká riba entrenamentu intensivo, disiplina, konsentrashon i preparashon fuerte pa su siguiente pelea.

“Mi ke hasi Boneiru orguyoso. Kada biaha ku mi drenta ring, mi no ta bringa solamente pa mi mes, pero tambe pa e isla ku mi ta representá. Mi meta ta pa sigui krese, sigui gana i mustra kiko ta posibel ku disiplina i trabou duru,” segun Ricardi Muñoz.

Ricardi ta risibí tambe sosten di Tourism Corporation Bonaire (TCB) den su trayekto deportivo. TCB a rekonosé Ricardi komo embahador di Boneiru i ta sostené e den e desaroyo di su karera deportivo. E rekonosementu aki ta pone enfasis riba e balor di Ricardi komo hoben atleta ku ta representá Boneiru na un manera positivo riba nivel internashonal.

Team Ricardi Muñoz ta mira e pelea na St. Maarten komo un paso importante den su desaroyo deportivo. Den e periodo ku ta bin, lo sigui traha riba su preparashon pa pelea, guia profesional, visibilidat i su ruta internashonal komo bokseadó elite amateur.

FUENTE: TEAM RICARDI MUÑOZ/LIVE99FM

NEDERLAND:

RICARDI MUÑOZ VERTEGENWOORDIGT BONAIRE TIJDENS BOKSEVENEMENT “TEST YOUR SKILLS” IN ST. MAARTEN

Kralendijk,- De jonge bokser Ricardi Muñoz zet zijn internationale bokstraject voort met een regionaal gevecht tijdens het boksevenement “Test Your Skills” op 25 juli 2026 in St. Maarten. Tijdens dit evenement zal Ricardi Bonaire opnieuw vertegenwoordigen in de ring.

Na zijn recente internationale prestatie in Brazilië, waar hij Zuid-Amerikaans kampioen werd in zijn gewichtsklasse, vormt het gevecht in St. Maarten een volgende belangrijke stap in zijn ontwikkeling als jonge elite-amateurbokser. Ricardi heeft tot nu toe al zijn gevechten gewonnen en bouwt daarmee verder aan zijn positie binnen het Caribische en Zuid-Amerikaanse bokscircuit.

Ricardi Muñoz is van Dominicaanse afkomst, woont op Bonaire en vertegenwoordigt Bonaire met trots in de ring. Hij staat bekend om zijn discipline, werklust, doorzettingsvermogen en sterke wedstrijdmentaliteit. Voor Ricardi is boksen meer dan alleen sport. Het is een manier om zichzelf te ontwikkelen, zijn energie positief in te zetten en Bonaire op internationaal niveau zichtbaar te maken.

Volgens Team Ricardi Muñoz is zijn deelname aan “Test Your Skills” niet slechts een losstaand gevecht, maar onderdeel van een breder traject richting verdere regionale en internationale groei.

“Ricardi wil laten zien dat talent van Bonaire internationaal kan meedoen. Zijn doel is niet alleen om wedstrijden te winnen, maar ook om Bonaire op een positieve manier te vertegenwoordigen en jongeren te inspireren om in zichzelf te geloven, discipline te tonen en hun talent serieus te nemen,” aldus Team Ricardi Muñoz.

Het evenement in St. Maarten heeft voor Ricardi extra betekenis. Vorig jaar nam hij ook deel aan dit evenement en wist hij zijn partij te winnen. Een nieuwe sterke prestatie in St. Maarten zou zijn naam verder kunnen vestigen als opkomend bokstalent binnen de Caribische regio en daarbuiten.

Ricardi is inmiddels gestart met zijn voorbereidingen en traint onder begeleiding van coach Tuersten Winklaar. De komende weken staan in het teken van intensieve training, focus, discipline en verdere voorbereiding op zijn gevecht.

“Ik wil Bonaire trots maken. Elke keer dat ik de ring instap, vecht ik niet alleen voor mezelf, maar ook voor het eiland dat ik vertegenwoordig. Mijn doel is om te blijven groeien, te blijven winnen en te laten zien wat mogelijk is met discipline en hard werk,” aldus Ricardi Muñoz.

Ricardi krijgt in zijn traject ook ondersteuning van Tourism Corporation Bonaire (TCB). TCB heeft Ricardi erkend als ambassadeur van Bonaire en ondersteunt hem in de verdere ontwikkeling van zijn sportieve carrière. Deze erkenning onderstreept de waarde van Ricardi als jonge atleet die Bonaire op een positieve manier internationaal vertegenwoordigt.

Team Ricardi Muñoz ziet het gevecht in St. Maarten als een belangrijke stap in zijn sportieve ontwikkeling. De komende periode wordt verder gewerkt aan zijn wedstrijdvoorbereiding, professionele begeleiding, zichtbaarheid en internationale route als elite-amateurbokser.