SIERE DEPORTIVO DI AÑA ESKOLAR KU MUNDIALITO

Kralendijk – Alumnonan di Sentro Integral pa Mucha (Integraal Kind Centrum /IKC) Kristu Bon Wardador (KBW) a sera aña eskolar na un manera spesial ku Mundialito. E torneo di futbòl akí a trese huntu alumnonan di grupo 5 te ku 8, maestronan i personal di e skol den un siman yená ku deporte, kolaborashon i plaser.

E idea pa Mundialito a bini di dosente di gemnastik Rendelon Martina. Inspirá pa Kopa Mundial di futbòl, e ker a ofresé alumnonan un siere deportivo i festivo di aña eskolar. Loke a kuminsá komo un idea simpel, a krese bira un evento grandi pa henter skol.

Pa realisá su plan, Martina a buska kolaborashon ku Entidat Públiko Boneiru (EPB), Indebon i vários spònser. Danki na nan sosten, por a organisá Mundialito. Tur ekipo a hunga den un unifòrm apropiá, loke a pèrkurá pa un ambiente real di Kopa Mundial.

Durante Mundialito, na kua tambe alumnonan di Klas di Idioma Internashonal (Internationale Taalklas /ITK) i SG a partisipá, kada klas di grupo 5 te ku 8 a representá un pais. E ekiponan a hunga den e kolónan di e pais ku lòt a disidí pa nan. Ademas di e torneo di futbòl, alumnonan i maestronan a partisipá na vários aktividat di deporte, manera un kompetensia di tene bala den laira, un kompetensia di pinalti i otro retonan deportivo.

Meta di Mundialito tabata pa sera aña eskolar na un manera deportivo i festivo. Deporte, rèspèt, kolaborashon i plaser tabata sentral. Na mes momentu, alumnonan, maestronan i personal a haña oportunidat pa konosé otro mihó na un otro manera.

EPB ta sostené inisiativanan ku ta kontribuí na un estilo di bida salú, desaroyo di talento, inklushon i kooperashon bou di hóben. Mundialito ta un ehèmpel bunita di esaki. EPB ta ekspresá su apresio pa e esfuerso i kreatividat di dosente di gemnastik Rendelon Martina i ta gradisí Indebon, spònsernan, personal di IKC KBW i tur boluntario ku a kontribuí na éksito di Mundialito. Huntu nan a pèrkurá pa un eksperensia inolvidabel pa alumnonan.

FUENTE: OLB/LIVE99FM

NEDERLAND:

EEN SPORTIEF SLOT VAN HET SCHOOLJAAR MET MUNDIALITO

Kralendijk – Leerlingen van het Integraal Kind Centrum (IKC) Kristu Bon Wardador (KBW) sloten het schooljaar op een bijzondere manier af met Mundialito. Dit voetbaltoernooi bracht leerlingen uit groep 5 tot en met 8, leerkrachten en medewerkers samen in een week vol sport, samenwerking en plezier.

Het idee voor Mundialito kwam van gymdocent Rendelon Martina. Geïnspireerd door het WK voetbal wilde hij de leerlingen een sportieve en feestelijke afsluiting van het schooljaar bieden. Wat begon als een eenvoudig idee, groeide uit tot een groots evenement voor de hele school.

Om zijn plan werkelijkheid te maken, zocht Martina samenwerking met het Openbaar Lichaam Bonaire (OLB), Indebon en verschillende sponsoren. Dankzij hun steun kon Mundialito worden georganiseerd. Alle teams speelden in een passend voetbaltenue, wat zorgde voor een echte WK-sfeer.

Tijdens Mundialito, waar ook leerlingen van de Internationale Taalklas (ITK) en de SG aan deelnamen, vertegenwoordigde iedere klas uit groep 5 tot en met 8 een land. De teams speelden in de kleuren van het land dat zij hadden geloot. Naast het voetbaltoernooi namen leerlingen en leerkrachten deel aan verschillende sportieve activiteiten, zoals een hooghoudwedstrijd, een penaltycompetitie en andere sportieve uitdagingen.

Het doel van Mundialito was om het schooljaar op een sportieve en feestelijke manier af te sluiten. Sport, respect, samenwerking en plezier stonden centraal. Tegelijkertijd kregen leerlingen, leerkrachten en medewerkers de kans om elkaar op een andere manier beter te leren kennen.

Het OLB ondersteunt initiatieven die bijdragen aan een gezonde leefstijl, talentontwikkeling, inclusiviteit en samenwerking onder jongeren. Mundialito is hiervan een mooi voorbeeld. Het OLB spreekt zijn waardering uit voor de inzet en creativiteit van gymdocent Rendelon Martina en bedankt Indebon, de sponsoren, de medewerkers van IKC KBW en alle vrijwilligers die hebben bijgedragen aan het succes van Mundialito. Samen hebben zij gezorgd voor een onvergetelijke ervaring voor de leerlingen.