EVELYN WEVER-CROES DEN CONFERENCIA DI COPPPAL : PETICION PA HIBA E LUCHA PA DEFENDE NOS AUTONOMIA NA NIVEL INTERNACIONAL

ORANJESTAD – Diaranson, 1 di juli 2026, lider di MEP, Evelyn Wever-Croes, a participa virtualmente den Reunion Plenaria di e Conferencia Permanente de Partidos Politicos di America Latina y Caribe (COPPPAL), cu a tuma lugar na Ciudad di Mexico. Aruba tabata representa fisicamente na e conferencia pa Joe Koolman. Pa motibo di obligacionnan di trabou, Wever-Croes no por a biaha pa Mexico, pero el a haci uso di e oportunidad pa dirigi e conferencia virtualmente.

Den su discurso, Wever-Croes a pone enfasis riba e presion creciente cu Hulanda ta eherce riba autonomia di Aruba. El a recorda cu autonomia di Aruba no tabata un regalo, sino resultado di un lucha largo lidera door di Betico Croes, fundador di MEP, cu a conta cu apoyo internacional importante, entre otro di COPPPAL.

Wever-Croes a bisa cu e principio di igualdad y autodeterminacion, manera cu ta stipula den Carta di Naciones Unidas y den Statuut di Reino, mester sigui guia e relacion entre Aruba y Hulanda. El a expresa preocupacion cu, apesar cu Aruba a demostra cu por maneha su finansas publico cu responsabilidad, Hulanda ta keda imponiendo condicionnan cu por resulta den menos autonomia financiero di Aruba y mas poder pa Hulanda.

“E mensahe di Aruba ta cla,” Wever-Croes a declara. “Aruba no ta pidi privilegio. Aruba ta exigi respet: respet pa nos autonomia, respet pa derecho internacional y respet pa e capacidad cu nos pueblo a demostra pa goberna su propio pais.”

Durante su discurso, Wever-Croes a haci un yamada na COPPPAL pa sostene Aruba den e lucha pa proteha su autonomia y pa yuda hiba e discusion aki na nivel internacional, entre otro den Nacionan Uni, CELAC, PARLATINO y OEA.

MEP ta hopi satisfecho cu COPPPAL a expresa su compromiso di sigui compaña Aruba den e proceso aki y di sigui defende e principio di decolonisacion y autodeterminacion di e pueblonan di nos region.

MEP kier expresa un palabra special di agradecimento na Joe Koolman, cu a representa Aruba na Mexico y cu ta encabeza e Comision di Decolonisacion di COPPPAL. Su dedicacion y compromiso cu e causa di autonomia di Aruba ta di gran balor den e lucha cu nos ta sigui hiba, tanto nacional como internacional.

FUENTE: EVELYN WEVER-CROES/LIVE99FM

NEDERLAND:

EVELYN WEVER-CROES VRAAGT TIJDENS CONFERENTIE VAN COPPPAL OM INTERNATIONALE STEUN VOOR BESCHERMING VAN DE AUTONOMIE VAN ARUBA

Oranjestad – Op woensdag 1 juli 2026 heeft MEP-leider Evelyn Wever-Croes virtueel deelgenomen aan de Plenaire Vergadering van de Conferencia Permanente de Partidos Políticos de América Latina y el Caribe (COPPPAL), die dit jaar plaatsvond in Mexico-Stad. Namens Aruba was Joe Koolman fysiek aanwezig. Vanwege werkverplichtingen kon Wever-Croes niet afreizen naar Mexico, maar zij richtte zich via een virtuele verbinding tot de aanwezige politieke leiders uit Latijns-Amerika en het Caribisch gebied.

In haar toespraak vroeg Wever-Croes nadrukkelijk aandacht voor de toenemende druk op de autonomie van Aruba. Zij herinnerde eraan dat de autonomie van Aruba geen gunst van Nederland was, maar het resultaat van een lange politieke strijd, aangevoerd door MEP-oprichter Betico Croes, die destijds kon rekenen op brede internationale steun, waaronder die van COPPPAL.

Volgens Wever-Croes moeten de beginselen van gelijkwaardigheid en zelfbeschikking, zoals vastgelegd in het Handvest van de Verenigde Naties en het Statuut voor het Koninkrijk, ook vandaag leidend blijven in de relatie tussen Aruba en Nederland.

Zij wees erop dat Aruba de afgelopen jaren heeft bewezen zijn overheidsfinanciën op een verantwoorde wijze te kunnen beheren. Desondanks blijft Nederland, volgens haar, voorwaarden stellen die ertoe kunnen leiden dat de financiële autonomie van Aruba verder wordt ingeperkt.

“Aruba vraagt geen privileges,” benadrukte Wever-Croes tijdens haar toespraak. “Aruba eist respect: respect voor onze autonomie, respect voor het internationaal recht en respect voor het vermogen van ons volk om zijn eigen toekomst vorm te geven.”

Tijdens haar interventie riep Wever-Croes COPPPAL op om Aruba te blijven steunen en de kwestie van de bescherming van de Arubaanse autonomie ook op internationaal niveau onder de aandacht te brengen, onder meer binnen de Verenigde Naties, de CELAC, PARLATINO en de Organisatie van Amerikaanse Staten (OAS).

MEP spreekt haar waardering uit voor de positieve reactie van COPPPAL, dat zich bereid heeft verklaard Aruba in deze internationale discussie te blijven ondersteunen en zich te blijven inzetten voor de beginselen van dekolonisatie en zelfbeschikking.

Tot slot sprak Wever-Croes haar bijzondere dank uit aan Joe Koolman, die Aruba tijdens de conferentie in Mexico vertegenwoordigde en voorzitter is van de Decolonisatiecommissie van COPPPAL. “Zijn inzet en internationale netwerk zijn van grote waarde voor de verdere verdediging van de autonomie van Aruba,” aldus Wever-Croes.