POLIS KU VARIOS DETENSHON PA MANEHA BOU DI INFLUENSIA DI ALKOHÒL

Detenshonnan pa manehá bou di influensia di alkohòl

Djárason 21 di yanüari, alrededor di 2.15 or di mardugá, polis a kontrolá shofùr di un skuter na Kaya J.N.E. Craane, despues ku e tabata manehá den direkshon prohibí.

Durante kòntròl a resultá ku e shofùr no por a mustra su reibeweis ni un prueba di seguro bálido. Ademas e shofùr a deklará ku el a konsumí alkohòl.

A hasi un tèst di supla i a resultá ku e shofùr tabata bou di influensia di alkohòl. Ta trata di un hòmber di inisial T.M. di 22 aña di edat. A detené e sospechoso i a hib’é warda di polis. A duna e sospechoso but pa no por mustra un reibeweis, pa no por mustra un prueba di seguro bálido i pa manehá den direkshon prohibí. Banda di esaki e sospechoso a haña prohibishon di manehá pa 5 ora.

Djárason 21 di yanüari, alrededor di 1.10 or di mardugá, polis a kontrolá dos shofùr di skuter riba Kaya L.D. Gerharts.

Durante kòntròl a resultá ku un di e shofùrnan a konsumí mas alkohòl ku ta pèrmití pa lei, di kua a konsider’é un sospechoso. A detené e dama di inisial N.S. di 20 aña di edat i a hib’é warda di polis. El a haña prohibishon di manehá pa 5 ora. E otro shofùr di skuter a haña atvertensia pa no por mustra su reibeweis i pa manehá sin seguro bálido.

Outo di polis enbolbí den aksidente

Djamars 20 di yanüari, alrededor di 5.35 or di atardi, ‘meldkamer’ sentral a risibí notifikashon tokante un aksidente entre un vehíkulo di servisio i un outo riba Kaya Korona.

E vehíkulo di servisio, un outo di polis ku lusnan óptiko i señal di zonido (lusnan blou i zonido) tabata riba Kaya Korona direkshon di un asistensia.

Na altura di Kaya Haldu un outo a subi kaya pa drenta Kaya Maria. E shofùr di e outo aki a para diripiente mei mei di kaya i seguidamente a bolbe kuminsá kore. E outo di polis a purba desviá e outo aki, pero un choke tabata inevitabel. Dor di e impakto e outo di polis a baha kaminda i a resultá riba tereno di un kas.

Konforme e maneho ‘botsen is blazen’, a hasi un tèst di supla ku ámbos shofùr. For di esaki den ámbos kaso no tabatin kuestion di uso di alkohòl.

KPCN ke konsientisá tur usuario di tráfiko ku ora nan mira un outo di polis, ambulans, òf brantwer aserkando ku lusnan óptiko i señal di zonido (lusnan blou i zonido), ku ta trata aki di un emergensia. Bo reakshon den tráfiko por hasi e diferensia.

• Keda kalmu i no drenta pániko. Mira for di kua direkshon e vehíkulo di emergensia ta bini i kua direkshon e ta bai.
• No hasi maniobra inesperá. Usa bo lusnan di direkshon pa e shofùr di e vehíkulo di emergensia mira kiko ta bo intenshon.
• No djis para riba kaminda. Purba habri kaminda dor di hala na banda, pero nunka para na un lugá di kua bo no tin bista òf meimei di un krusada.
• Yudá nos personalnan di emergensia pa nan por hasi nan trabou di un forma rápido i seif.

KPCN ta konta ku bo koperashon den tráfiko. Huntu nos ta hasi un diferensia pa seguridat riba kaminda.

Detenshon pa menasa ku arma di kandela

En konekshon ku un investigashon andando relashoná ku un kaso di menasa ku arma di kandela ku a tuma lugá 1 di yanüari 2026, riba djamars 20 di yanüari, alrededor di 10.15 or di mainta, a detené un hòmber di inisial J.E.M. di 60 aña di edat na un kas na Bario Den Tera.

Banda di esaki a tene dos entrada hudisial. Na un kas na Kaya Djindjá i na Bario Den Tera. Durante e entradanan hudisial no a konfiská nada relevante pa e investigashon.

Investigashon den a kaso ta kontinuá.

Ladronisia for di outo

Djaluna 19 di yanüari, alrededor di 5 or di atardi, polis a risibí notifikashon tokante ladronisia for di un outo na e miradó na Altamira Unjo den Rincon. Deskonosínan a bai ku pertenensianan for di un vehíkulo stashoná na e sitio. Ta trata di entre otro sèn kèsh i vários prenda. E sospechoso a hui despues di e ladronisia i a disparsé den mondi. Polis a hasi investigashon na e sitio i a buska e sospechoso den bisindario, pero sin resultado. Ta investigando e kaso.

Aksidente

Djaluna 19 di yanüari, alrededor di 1 or di mèrdia, ‘meldkamer’ sentral a risibí notifikashon tokante un aksidente na Kaya Imelda, di kua un vehíkulo a alkansá un mucha hòmber ménor di edat. Ambulans a transportá e víktima pa hòspital pa tratamentu médiko mas avansá. Pa motibunan ainda deskonosí, un outo a bai patras i a alkansá e mucha hòmber. Na e sitio polis a hasi un investigashon pa sa kousa eksakto di e aksidente.

FUENTE: KPCN/LIVE99FM

NEDERLANDS:

POLITIEBERICHTEN VAN MAANDAG 19 JANUARI TOT EN MET WOENSDAG 21 JANUARI 2026

Aanhoudingen voor het rijden onder invloed van alcohol

Op woensdag 21 januari, rond 02:15 uur, heeft de politie op de Kaya J.N.E. Craane een bestuurder van een scooter gecontroleerd, nadat deze in verboden rijrichting reed.

Bij controle bleek dat de bestuurder geen rijbewijs en geen geldig verzekeringsbewijs kon tonen. Tevens verklaarde de bestuurder alcohol te hebben genuttigd.

Een voorlopig alcoholtest wees uit dat de bestuurder onder invloed van alcohol verkeerde. Het betreft een 22-jarige man met de initialen T.M. De verdachte is aangehouden en overgebracht naar het politiebureau voor verder onderzoek. De bestuurder heeft een bekeuring gekregen voor het niet tonen van een rijbewijs, het niet tonen van een geldig verzekeringsbewijs en het rijden in verboden rijrichting. Daarnaast kreeg de verdachte een rijverbod van 5 uur.

Op woensdag 21 december, rond 01:10 uur, heeft de politie op de Kaya L.D. Gerharts twee scooter bestuurders gecontroleerd.

Bij controle bleek dat één van de bestuurders meer alcohol had genuttigd dan de wettelijke toegestane limiet, waarna zij werd aangemerkt als verdachte. De 20-jarige vrouw met de initialen N.S. werd aangehouden en overgebracht naar het politiebureau. Zij kreeg een rijverbod van 5 uur. De andere scooterbestuurder kreeg een waarschuwing voor het niet kunnen tonen van een rijbewijs en het rijden zonder geldig verzekering.

Politieauto betrokken bij aanrijding

Op dinsdag 20 januari, rond 17:35 uur, kreeg de centrale meldkamer melding over een aanrijding op de Kaya Korona tussen een dienstvoertuig en een personenauto.

Het dienstvoertuig, een politieauto die met optische en geluidssignalen (zwaailichten en sirene) onderweg was naar een melding, reed over de Kaya Korona. Ter hoogte van de Kaya Haldu kwam een personenauto de weg op om de Kaya Maria in te rijden. De bestuurder van deze auto stopte plotseling midden op de weg en gaf vervolgens weer gas. De politieauto probeerde de personenauto nog te ontwijken, maar een botsing was onvermijdelijk. Door de klap raakte het dienstvoertuig van de weg en kwam op het terrein van een woning tot stilstand.

Conform het beleid ‘botsen is blazen’ werd bij beide bestuurders een blaastest afgenomen. Hieruit bleek dat er in beide gevallen geen sprake was van alcoholgebruik.

KPCN wil alle weggebruikers ervan bewust maken dat er sprake is van een noodsituatie wanneer zij een politieauto, ambulance of brandweerwagen met zwaailichten en sirene zien aankomen. Uw reactie in het verkeer kan het verschil maken.

• Blijf kalm en raak niet in paniek. Kijk waar de hulpdienst vandaan komt en waar deze naartoe gaat.
• Maak geen onverwachte manoeuvres. Gebruik uw richtingaanwijzer zodat de chauffeur van de hulpdienst ziet wat u van plan bent.
• Stop niet zomaar op de weg. Probeer de weg vrij te maken door naar de zijkant te gaan, maar stop nooit op een onoverzichtelijke plek of midden op een kruising.
• Help onze hulpverleners zodat zij hun werk veilig en snel kunnen doen.

Het KPCN rekent op uw medewerking in het verkeer. Samen maken we het verschil voor een veilig verkeer.

Aanhouding voor bedreiging met een vuurwapen

In verband met een lopend onderzoek naar een zaak van bedreiging met een vuurwapen die op 1 januari 2026 heeft plaatsgevonden, is op dinsdag 20 januari, rond 10:15 uur, een 60-jarige man met de initialen J.E.M. aangehouden bij een woning in Bario Den Tera.

Daarnaast zijn twee huiszoekingen verricht. Eén bij een woning aan de Kaya Djindjá en aan de Bario Den Tera. Tijdens deze huiszoekingen zijn geen goederen in beslag genomen die relevant zijn voor het onderzoek.

Het onderzoek in deze zaak wordt voortgezet.

Diefstal uit een auto 

Op maandag 19 januari, rond 17:00 uur, kreeg de politie melding over een diefstal uit een auto bij het uitkijkpunt Altamira Unjo in Rincon. Onbekenden hebben goederen weggenomen uit een geparkeerd voertuig. Het betrof onder andere contant geld en meerdere sieraden. De verdachte is na de diefstal gevlucht en in de bossages verdwenen. De politie heeft ter plaatse onderzoek verricht en is in de omgeving op zoek gegaan naar de verdachte, zonder resultaat.

De zaak wordt onderzocht

Ongeval

Op maandag 19 januari, rond 13:00 uur, kreeg de centrale meldkamer melding over een ongeval aan de Kaya Imelda, waarbij een minderjarige jongen door een voertuig was aangereden. Het slachtoffer werd met de ambulance naar het ziekenhuis gebracht voor verdere medische behandeling. Voor nog onbekende redenen is de auto achteruit gaan rollen, waarbij de jongen werd aangereden. De politie heeft ter plaatse onderzoek verricht naar de exacte toedracht van de ongeval.