APERTURA FESTIVO DI OFISINA NOBO DI DTH TA MARKA UN FASE NOBO DEN SUPERVISHON I MANTENSHON DI LEI

Kralendijk –  Den un forma festivo Direktorado di Supervishon i Mantenshon di Lei (DTH) a tuma su ofisina nobo den uso.

E apertura ta marka un paso importante den profeshonalisashon mas aleu di supervishon i mantenshon di lei, i servisionan ku nos ta brinda na komunidat.

Pa miembronan di prensa tabatin un rekorido atraves di e edifisio nobo. Durante e rekorido akí nan a haña splikashon tokante kon e ofisina moderno ta ekipá pa duna sosten optimal na e empleadonan den nan trabou diario. E edifisio ta brinda un ambiente di trabou funshonal, seif i moderno, loke ta kontribuí na traha na un manera efisiente i ofresé servisio di nivel haltu.

Banda di esaki tabatin un apertura festivo pa invitado. Empleadonan i partnernan a para ketu huntu na e logro importante akí i na e kompromiso konhunto ku a kondusí na realisashon di e ofisina nobo.

E ofisina nobo di Direktorado di Supervishon i Mantenshon di Lei ta respirá e balornan núkleo di e organisashon. Ku rèspèt den akshon, transparente i hustu, akshonnan konfiá, palabrashon ta palabrashon i alegria den tur loke nos ta hasi, ta loke ta forma  base di e manera di aktua diario di Direktorado di Supervishon i Mantenshon di Lei i nan ta visibel i palpabel den e ambiente di trabou.

Ku e alohamentu nobo akí Direktorado di Supervishon i Mantenshon di Lei, situá na Kaya Grandi 56-58, ta mihó ekipá pa ehersé su tareanan riba tereno di supervishon i mantenshon di lei na un manera profeshonal, konfiabel i servisial, na interes di un komunidat seif i habitabel.   

FUENTE: OLB/LIVE99FM

NEDERLANDS:

FEESTELIJKE OPENING NIEUW KANTOOR DTH MARKEERT NIEUWE FASE IN TOEZICHT EN HANDHAVING

Kralendijk – De Directie Toezicht en Handhaving (DTH) heeft haar nieuwe kantoor feestelijk in gebruik genomen.

De opening markeert een belangrijke stap in het verder professionaliseren van toezicht, handhaving en de daar bijbehorende dienstverlening aan de samenleving.

Voor leden van de pers werd een rondleiding verzorgd door het nieuwe pand. Tijdens deze rondleiding werd toegelicht hoe het moderne kantoor is ingericht om medewerkers optimaal te ondersteunen bij hun dagelijkse werkzaamheden. Het pand biedt een functionele, veilige en eigentijdse werkomgeving die bijdraagt aan efficiënt werken en het leveren van service op hoog niveau.

Daarnaast vond een feestelijke opening plaats voor genodigden. Medewerkers en partners stonden samen stil bij deze mijlpaal en de gezamenlijke inzet die heeft geleid tot de realisatie van het nieuwe kantoor.

Het nieuwe DTH-kantoor ademt de kernwaarden van de organisatie. Met respect in actie, transparant en eerlijk, vertrouwde acties, afspraak is afspraak en vreugde in alles wat we doen vormen de basis van het dagelijks handelen van DTH en zijn zichtbaar en voelbaar in de werkomgeving.

Met deze nieuwe huisvesting, gelegen te Kaya Grandi 56-58, is DTH beter uitgerust om haar taken op het gebied van toezicht en handhaving professioneel, betrouwbaar en dienstverlenend uit te voeren, in het belang van een veilige en leefbare samenleving.