KORSOU: DIESEIS AGENTE NOBO PA WARDAKOSTA

Willemstad,-  Despues di a kompletá un aña di entrenamentu ku éksito, djabièrnè último dieseis aspirante a risibí nan diploma di ‘Junior Bemanningslid Kustwacht’ (JBK) for di man di Walter Hansen, Direktor di Wardakosta di Karibe Hulandes i Alpha Falbru, Direktora di ‘Opleidingsinstituut Rechtshandhaving en Veiligheidszorg’ (ORV).

E agentenan nobo a risibí nan diploma durante un seremonia na e Base Naval na Parera. E dieseis aspirantenan awor ta agente di Wardakosta kualifiká i pronto nan lo ser stashoná na e puntonan di sosten di Wardakosta na Sint Maarten, Aruba i Kòrsou.

Na ougùstùs 2024, binti hóben hòmber i muhé a kuminsá ku nan entrenamentu di ‘Junior Bemanningslid Kustwacht’ (JBK, anteriormente BOK). Durante e promé kuater simannan di nan entrenamentu, konosí komo e periodo di ‘Samen Sterk’ di Wardakosta, nan a wòrdu desafiá tantu mentalmente komo físikamente.

Despues di e simannan di entrenamentu aki a kuminsá ku e sobra parti di e entrenamentu di JBK, kual ta inkluí lèsnan pa e parti polisial, ku a ser sigui na ORV kual ta kubri e temanan manera, derecho penal i ‘strafvordering’.

Despues nan a tuma lèsnan riba abilidatnan básiko i di tiramentu, nabegashon, materianan hurídiko, materianan náutiko i proseduranan di embarkashon. E agentenan nobo a surpasá hopi reto físiko, mental i teóriko i awor ta kla pa protehá e islanan.

Durante e seremonia na Base Naval di Parera, e Direktor di Wardakosta, Walter Hansen i Direktora di ORV, Alpha Falbru i e ‘Hoofd Initiële Opleiding’ di Wardakosta, señor Reinita a dirigí nan mes na e agentenan di Wardakosta nobo.

Wardakosta ta un kuerpo polisial marítimo, esaki ta rekerí di e agentenan dòbel entrenamentu, un entrenamentu den e area marítimo i unu komo polis.

E agentenan tin mas ku un aña ansioso pa e dia aki yega. Despues di a traha duru i ta leu for di kas pa periodonan largu, awor ta tempu pa nan selebrá. E diplomanan a ser otorgá i awor e trabou real na Wardakosta por kuminsa.

FUENTE: WARDAKOSTA/LIVE99FM

NEDERLAND:

ZESTIEN NIEUWE KUSTWACHTERS VOOR KUSTWACHT CARIBISCH GEBIED

Willemstad,- Na een jaar opleiding met succes te hebben afgerond, hebben zestien aspiranten afgelopen vrijdag hun diploma Junior Bemanningslid Kustwacht (JBK) uit handen van de Directeur Kustwacht Caribisch Gebied, Walter Hansen en Directrice van het Opleidingsinstituut Rechtshandhaving en Veiligheidszorg (ORV), Alpha Falbru ontvangen.

De nieuwe kustwachters ontvingen het diploma tijdens een plechtigheid op Marinebasis Parera. De zestien aspiranten zijn nu volwaardige kustwachters en worden binnenkort op de kustwachtsteunpunten op Sint Maarten, Aruba en Curaçao operationeel ingezet. In augustus 2024 begonnen twintig jonge mannen en vrouwen aan de Junior Bemanningslid Kustwacht (JBK voorheen BOK).

In de eerste vier weken van hun opleiding, de zogeheten ‘Samen Sterk’ periode van de Kustwacht, werden ze zowel mentaal als fysiek op de proef gesteld. Na de vormingsweken begon de rest van de JBK opleiding waarbij ze lessen kregen voor onder andere het politiegedeelte die bij het ORV werd gevolgd met vakken als, strafrecht en strafvordering.

Later volgden ook lessen als basis- en schietvaardigheden, zeemanschap, juridische vakken, nautische vakken en boardingsprocedures.

De nieuwe kustwachters hebben veel fysieke, mentale en theoretische uitdagingen doorstaan en zijn nu klaar om de eilanden te beschermen. Gedurende de plechtigheid op Marinebasis Parera richtte de Directeur Kustwacht, Walter Hansen en Directrice van het ORV, Alpha Falbru en het Hoofd Initiële Opleiding van de Kustwacht, de heer Reinita het woord tot de nieuwe kustwachters.

De Kustwacht is politie in het maritieme domein. Dat vraagt om een dubbele vorming: zowel zeeman als politieagent. Ruim een jaar hebben de kustwachters naar deze dag uitgekeken.

Na hard te hebben gewerkt en periodes lang van huis te zijn geweest, is het nu feest voor de zestien kustwachters. De diploma’s zijn binnen en het echte werk bij de Kustwacht kan beginnen.