DÙMPMENTU ILEGAL DI SHUSHI NA LAC I PUNTA KALBAS: ENTIDAT PÚBLIKO BONEIRU TA AKTUA KONTRA POLUSHON

Kralendijk – Entidat Públiko Boneiru i Selibon ta seriamente preokupá tokante oumento di dùmpmentu ilegal di shushi rònt di Lac i Punta Calbas.

Na vários sitio resientemente a topa ku shushi gròf i shushi doméstiko, asta sobrá kompleto di fiesta. E polushon akí no ta hasi daño solamente na nos naturalesa i nos bestianan, entre otro nos flamingo, pero tambe na e imágen ku Boneiru tin komo destinashon turístiko i na e ambiente di biba di nos habitantenan.

Na Punta Kalbas e situashon ta èkstra preokupante: banda di e kònteinernan di shushi ku nan a pone einan, tin un kantidat grandi di shushí tirá na suela. Tambe kantu di Kaminda Sorobon tin hopi shushi bentá.

Entidat Públiko Boneiru i Selibon ta enfatisá ku dùmpmentu ilegal di shushi ta kastigabel. Personanan ku kometé violashon di e lei akí ta riska di haña but haltu. Durante e akshonnan di limpiesa nan ta investigá e datonan ku nan topa den e shushi pa identifiká e malechor.

‘E komportashon akí ta inakseptabel. Boneiru ta nos isla i nos responsabilidat konhunto. Esun ku tira shushi afó den forma ilegal, ta afektá nos naturalesa i siguridat i habitabilidat di nos tur,’ segun Direktorado di Supervishon i Mantenshon di Lei.

Mas pronto posibel Selibon ta bai limpia e sitionan en kestion pa evitá mas plamamentu di e shushi. Na mes momentu nan ta konsiderando medidanan adishonal, manera seramentu di e kamindanan ku ta bai e sitionan konosí di dùmp shushi.     

FUENTE: OLB/LIVE99FM

NEDERLANDS:

ILLEGALE AFVALDUMP BIJ LAC EN PUNTA KALBAS: OLB TREEDT OP TEGEN VERVUILING

Kralendijk –  Het Openbaar Lichaam Bonaire en Selibon maken zich ernstig zorgen over de toename van illegale afvaldump rond Lac en Punta Kalbas.

Op meerdere plekken is recentelijk grof vuil en huishoudelijk afval aangetroffen, zelfs complete restanten van feestjes. Deze vervuiling schaadt niet alleen de natuur en dieren, waaronder de flamingo’s. Maar ook het imago van Bonaire als toeristische bestemming en de leefomgeving van bewoners.

Bij Punta Kalbas is de situatie extra zorgelijk: naast de geplaatste afvalcontainers ligt een grote hoeveelheid afval op de grond. Ook langs de Kaminda Sorobon ligt veel afval rondslingerend .

Het OLB en Selibon benadrukken dat illegale afvaldump strafbaar is. Overtreders riskeren forse boetes. Tijdens de schoonmaakacties worden gegevens die in het afval worden aangetroffen onderzocht om daders te achterhalen.

“Dit gedrag is onacceptabel. Bonaire is ons eiland en onze gezamenlijke verantwoordelijkheid. Wie afval dumpt, tast de natuur, de veiligheid en de leefbaarheid van ons allemaal aan,” aldus de Directie Toezicht en Handhaving.

Selibon zal de betreffende locaties zo spoedig mogelijk opruimen om verdere verspreiding van het afval te voorkomen. Tegelijkertijd wordt gekeken naar aanvullende maatregelen, zoals het afsluiten van toegangswegen naar bekende dumpplekken.