PISKABON TA INVITA UN I TUR PA E KOMPETENSIA GRANDI DI PESKA RIBA 5 I 6 DI SÈPTÈMBER 2025.

Kralendijk,-Tur amante di peska, prepara boso  linja di piska! Piskabon ta orguyoso pa organisa e Kompetensia di Peska 2025, un evento ku lo tuma lugá 5 i 6 di september: djabierna 5 ku e captains meeting (Reunion pa Kapitan) i djasabra 6 di sèptèmber e torneo oficial.

E programa ta ranka sali riba djabierna 5 di sèptèmber ku e Reunion pa Kapitan na Patio di SKAL 7’or di anochi, kaminda lo duna e instrukshon final, regla di siguridat i regulamento di e kompetensia. Tambe nos lo tin komo invitado special nos  gezaghebber. 

E dia di e kompetensia di peska lo ta riba djasabra 6 di sèptèmber, for di 01.00 or di marduga te ku 4’or di atardi. Partisipashon ta kompletamente gratis i habri pa tur piskadó lokal i ku ta inskirbi na Bonaire, i no solamente pa miembro di Piskabon so, pero tur hende ku tin boto i amor pa peska por inskirbi i partisipá. Basta bo ta un piskado lokal. Pues konpania di charter no ta wordu konsidera komo piskado lokal.

Tambe e torneo lo konsentra solamente den awa teritorial di Bonaire. (no mas 11 mia for di kosta)

Lo tin seis premio grandi pa e Piskanan di mas grandi (mas kilo), asina ta ku kualke hende, seja bo ta un piskadó di ofishi òf bo ta piska pa plaser, bin I partisipa. Bo tin chens pa bai kù un dje premio nan.

Informashon importante:

• Meta: Engrandese i trese bek e fraternidad bow di nos piskado nan, engrandese nos cultura.
• Reunion pa Kapitan: djabierna 5 di sèptèmber 2025 – 7’or anochi – Patio di SKAL
• Kompetensia: Djasabra 6 di sèptèmber 2025 – 01;00 or di mainta te ku 4’ordi atardi
• Partisipashon: Gratis, pa tur piskadó lokal ku boto(miembro i no-miembro di piskabon)
• Pisa Piska: For di 10 or di mahinta te ku 4 or di atardi bo por entrega bo piska pa e wordu pisa.
• Premio: 6 premio grandi pa e piskanan di mas grandi (Mas Kilo)
• Lo tin dos kategoria; boto chikitu (bow di 17 pia) i boto grandi (riba 17 pia)

Bini ku bo  famia pa disfruta di e bunita kompetensia i aki y su ambiente. Marka e fecha aki den bo kalènder i prepará bo mes pa un eksperensia di peska ku bo no lo lubida!

FUENTE: PISKABON/LIVE99FM