REVOLUSHON BONERIANO

Kralendijk,- Fransia a konosé 14 di yüli ku tabata un momentu importante den revolushon di 1789 .

Loke a pasa na Bonaire riba 14 di ougùstùs tabata un revolushon miniatura di revolushon franses. 

E klasenan DP ku ta e parti spiritual, M21 ku ta e parti di noblesa  i frakshon Vrolijk ku ta e parti privilegiá bou di liderazgo di Daisy Coffie huntu ku Robespierre Abraham riba 25 di yüli den reunion di koalishon ku e diputadonan a hura ku mester bini un kambio den e bastion Kolegio Ehekutivo.

Tabata un desishon radikal di koalishon Di Jacobinonan pa trese kambio pa mas poder i nada di moral. Dos diputado a tuma retiru inmediato i gezaghèber a bira rei John 1 di 25 di yüli te 14 di ougùstùs. Riba 14 di ougùstùs 2025, 236 aña despues di 1789 Bonaire a konosé den Reunion Nashonal e fase kaótiko di e revolushon boneriano.

Rei John1 no por a mantené òrdu I a laga Robespierre terorisá Reunion Nashonal. ku a bira tumultoso ku akusashonnan entre Jacobino  i Girodinonan di e òrdu bieu di Rincon, Antriol, Sabana i Playa Pariba. E muhénan den e revolushon ku ta Madam Serberie di e Jacobinonan ku a trata na trese pas i madam Chirino di e Girodinonan ku a para na banda  E revolushon a drenta e periodo di Repúblika Bonaire. Mesora Kònsùl Crestian a ekspresá ku loke a pasa no por tuma lugá nunka mas. Guiotina a kita kabes di den Heyer I Cicilia. Robespierre i Saint – Just Peter Silberie i Danton Weber a bira e triumvirato di repúblika Bonaire. Ya por mira skür entre Danton i Robespierre.

Otro siman lo tin 6 dia di selebrashon di Dia di Repúblika Bonaire bou di lema di Robespierre i e Jacobinonan “Nous sommes Bonaire”  ku otro palabra “Nos ta Bonaire”

FUENTE: ARTHUR SEALY