Redakshon
San Bernardo ta patrono di Parokia di Playa, i e fin di siman aki ta selebrá su fiesta, ku un triduo ku Santu Eukaristia pa 7or anochi, kuminsando djaweps dia 21 di ougustus misa presidí pa pastor Baak, djabièrne 22 di ougustus presidí pa pastor Marc; djasabra 23 di ougustus presidí pa Mgr Luis Antonio Secco, konselebrá pa pastor Ranulfo; djadumingu 24 ougustus fiesta patronal misa pa 9’or di mainta, presidí pa Mgr Luis Secco i konselebrante.
Djaweps mainta ta kanselá misa kustumbra di mitar di 7 i adorashon; tambe lo tin misa djadumingu 7’or anochi na misa di Playa.
Tambe durante e selebrashon di fiesta patronal nos tin oportunidat pa tuma despedida ofisial di Mgr Luis Antonio Secco komo obispu di Willemstad, awor obispu emerito, sperando elekshon pa obispu nobo.
Mgr Luis Secco tambe ta bini Boneiru pa inaugurashon di monumentu den kurá di konbento i kapel di Mariadal djadumingu 24 ougustus, pa 4or atardi. Komo gradisimentu pa trabounan ku surnan Franciscano di Roosendaal a hasi pa nos islanan durante mas di 160 aña. Tur hende ta bon bini.
Ta desea tur parokiano hopi bendishon di Dios pa medio di interseshon di San Bernardo, tambe na La Birgen Mama Maria, ku el a stima tantu i a pidi pa kompañé, nos ta pidi forsa i sabiduria, union i pas den nos pueblo boneriano, tambe pa un bon aña eskolar 2025-2026.
Na nomber di vikario Marc Hooijschuur i pastor Ranulfo Goneda.
FUENTE: PAROKIA SAN BERNARDO/LIVE99FM
GIPHY App Key not set. Please check settings