JAMES FINIES TA DEMANDA PARO NA DESORDEN POLÍTIKO, KORUPSHON, I DIKTADURA RIBA BONEIRU

 Kralendijk,- James Finies, lider di Pueblo Progresivo i Uni—e úniko moveshon polítiko na Boneiru ku ta pone derechonan humano na promé luga —ta demanda un fin inmediato na e degradashon polítiko, korupshon i kontrol di un grupito elitario ku ta destruyendo futuro di e pueblo Boneriano.

Nos pueblo ta wordu  goberná pa Den Haag sin su konsentimiento. Desishonnan ta wordu tuma tras di portanan sera, i nos polítikonan lokal korupto ta tuma mal desishonnan manipulá pa interésnan aheno. Esaki no ta demokrasia—esaki ta un diktadura disfrasá komo polítika.

Lidernan polítiko di Boneiru di DP, UPB, MPB i M21 a entrega e podernan demokrátiko, leglislatívo i finansiero di nos  isla na Den Haag. Nan tur a bise peronalmente: “Nada mas no por hasi” Pero James Finies, a ninga di asepta ku no por hasi nada mas I start e lucha pa Boneiru.

E ta kompromete pa restaura dignidat, derechonan i poder bek pa pueblo di Boneiru ku su partido politiko ku tin un solo obhètivo prinsipal: respetá, protehá i kumpli ku e derechonan humano di pueblo di Boneiru.

E polítikonan aki a traishona e pueblo. Nan ta sirbí interés di élitanan, no di e pueblo. Nan ta papia di “tin pueblo na pecho” mientras nan ta forsando nos hendenan di bandona nos isla ku impuestonan devastador I kosto di bida insoportabel I sin perspektiva pa futuro.

Bonerianonan den tempu korto a bira un minoria politiko den nan mes kas. Hulandesnan Oropeo ku migrá bin biba na Boneiru ta hanja derecho di vota den tres luna, asina a bira e base elektoral nobo. Polítikonan awor ta sirbi interes di e migrantenan nobo —no di  e pueblo nativo ku ta sufriendo.

E uniko kos ku e polítiko mester ta voto —i nan no ta importá ta di ken. Nos pueblo ta den peliger grandi di wordu elemina polítikamente i  demográfikamente.

Tur e partidonan polítiko di Boneiru tin mesun rais— ta di e mesun klan politiko. Partido Demokrat di famia Abraham a krea UPB bou di Ellis i Booi. UPB a splinter den MPB bou di Elvis Tjin Asjoe I Hennyson Thielman, ku despues a bolbe dividi aun mas I krea M21 bou di Daisy Coffie. Inkluso e asina yama  “independiente” Cyrill Vrolijk ta produkto di MPB.

Ta e mesun lídernan polítiko aki inkluso Clark Abraham, Cyrill Vrolijk i Daisy Coffie a ignora e rechazo klaro di pueblo I a permiti  I bai di akuerdo pa ankra Boneiru den konstitushon Hulandes bao di kontrol I subyugashon kolonial permanénte.

Finies ta pidi e pueblo pa stop di kere ku e mesun polítikonan ku a hinka nos den e krisis aki lo por saka nos for di dje. Nan a mustra ku no tin konsenshi I no tin sintimentu di kulpa. Nan ta fingi I pretendé ku ta importa nan, pero nan loyalidat ta na un otro kaminda—no ku e pueblo Boneriano.

Despues di nan drama públiko, spektákulo i show den Konseho Insular i media, nan tur ta bolbe bai bek na e mesun konseheronan i elitenan tras di kortina. Mientrastanto, e pueblo komun ta sigui konfronta kosto di bida insoportabel, desigualdat ta sigui krese, hopi ta sigui perde nan ser keri nan i otronan ta wordu forsa pa imigrá pa Hulanda.

Asta e ofisina sentral di statistiko CBS ta advirti ku: poblashon Boneriano ta desmuniendo demasiado lihe i ta birando un minoria insignifikante den nan mes tera.

Nos mester stop di tin speransa ku esnan ku a traishona nos ayera lo salba nos mañan. Nan lealtad ta ku interesnan poderoso, no ku e pueblo di Boneiru.

Nos mester liberá nos di kontrol di e klan politiko aki i sostene lidernan ku ta defende derechonan humano i demokrasia real.

James Finies a demonstra un kompromiso sin igual: 222 dia di protesta non-stop eksigiendo un referéndum; a hiba e kaso di Boneiru na Nashonan Uni pa pone Boneiru bek riba lista di protekshon di Teritorionan-Sin-Propio-Gobernashon, demandando hustisia; i sakrifikando I riskando su bida pa derechonan di nos pueblo.

Debi na Finies su entrega total I determinashon na e lucha internashonal pa derechonan humano di pueblo Boneriano, gobièrnu Hulandes finalmente e weekend ku a pasa ey a wordu eksponé i a wordu kuestiona na Ginebra pa e Komishon di Derecho Humano i pone Hulanda responsabel pa pobresa I  violashonnan kontinuo di derechonan humano riba Boneiru.

Sostene esun ku a sakrifika — uni ku e movementu polítiko Pueblo Progresivo i Uni o join e Ala Femenino – Muhernan Fuerte – no pa poder, sino pa bo yunan I bo nietonan.

Esaki ta un lucha pa nos eksistensia. Si nos no aktua awor, Bonerianonan lo desaparesé. Nos mester rekobra nos dignidat I derechonan prome ku ta demasiado lat.

FUENTE: JAMES FINIES