KOLEGIO EHEKUTIVO TA DESEÁ TUR ALUMNO, DOSENTE, PERSONAL DI SOSTEN I MAYOR UN EKSITOSO AÑA ESKOLAR 2025-2026

Kralendijk – Djaluna dia 18 di ougùstùs 2025 e aña eskolar pa e periodo di 2025-2026 a kuminsá. Kolegio Ehekutivo pa medio di diputado Peter Silberie, ke deseá tur alumno, tur dosente, tur otro miembro di personal i tur mayor hopi éksito i perseveransia.

Kolegio Ehekutivo ta spera ku e aña eskolar nobo akí lo bira aún mas mihó ku e aña anterior.

Pa e hóbennan ku ta den klas di eksámen nos Kolegio ta manda palabranan di enkurashamentu pa nan konkretisá e aña eskolar akí ku e diploma tan anhelá. Pa e studiantenan ku ta bai sigui studia den eksterior, Kolegio Ehekutivo su deseo ta pa nan bini bèk despues i yuda desaroyá Boneiru mas ainda.  

Apesar ku kisas tin biaha e estudio por ta difísil, Kolegio Ehekutivo ta spera pa tur studiante por perseverá i kaba nan estudio.

Tambe nos ke deseá tur dosente hopi pasenshi i forsa pa tur dia di nobo nan por kumpli ku nan tarea bunita pero pisá.

Kolegio Ehekutivo ke deseá tur alumno, studiante, dosente i otro miembronan  di personal tur klase di éksito i ku Bon Dios guia tur den bon kaminda.  

FUENTE: OLB/LIVE99FM

NEDERLANDS:

HET BESTUURSCOLLEGE WENST ALLE LEERLINGEN, LEERKRACHTEN, ONDERSTEUNEND PERSONEEL EN OUDERS EEN SUCCESVOL SCHOOLJAAR 2025-2026 TOE

Kralendijk – Op maandag 18 augustus 2025 is het schooljaar 2025-2026 begonnen. Het Bestuurscollege, bij monde van gedeputeerde Peter Silberie, wil hierbij alle leerlingen, leerkrachten, ondersteunend personeel en ouders veel succes en doorzettingsvermogen toewensen.

Het Bestuurscollege hoopt dat dit nieuwe schooljaar nog beter zal zijn dan dat van vorig jaar.

Voor de jongeren in de examenklassen heeft het College woorden van aanmoediging om dit schooljaar af te ronden met het zo felbegeerde diploma in handen.

Voor de studenten die in het buitenland verder gaan studeren, is de wens van het Bestuurscollege dat zij later terugkeren en meehelpen Bonaire verder te ontwikkelen.

Hoewel studeren soms moeilijk kan zijn, hoopt het Bestuurscollege dat alle studenten volhouden en hun opleiding afronden. Ook wenst het Bestuurscollege alle leerkrachten veel geduld en kracht toe, zodat zij hun mooie maar zware taak kunnen volbrengen.

Het Bestuurscollege wenst alle leerlingen, studenten, leerkrachten en andere personeelsleden heel veel succes toe en bidt dat God hen allen op het juiste pad zal leiden.