HÒMBER DI INISIAL G.A.E.A. (31) I HÒMBER DI INISIAL Z.D. (53) DETEN’É PA MANEHÁ BOU DI INFLUENSIA DI ALKOHÒL.

Notisia di polis di djárason 13 di ougùstùs te ku djabièrnè 15 di ougùstùs 2025

But i Konfiskashon

Kralendijk, – Riba djaweps 14 di ougùstùs 2025, alrededor di 12:35 or di mèrdia, un skuter ku dos persona riba tabata kore sin hèlmu i sin plachi di number. E shofùr a ignorá e señal di stòp di polis i a sigui kore.

Despues di un búskeda, polis a topa skuter atrobe. Na momentu di kòntròl, e shofùr a risibí un but pa kore sin hèlmu, pa no por mustra su reibeweis i pa no por mustra un seguro bálido.

Durante kòntròl di e skuter, polis a topa tambe un kuchú estilo ‘boksbeugel’. Konforme Lei di Arma BES, a konfiská e arma. A konfiská e skuter tambe pa mas investigashon.

Manehá bou di influensia di alkohòl

Riba djaweps 14 di ougùstùs 2025, alrededor di 1:00 or di mardugá, a tuma lugá un aksidente entre dos vehíkulo na Kaya Korona.  Na e sitio, e patruya a hasi un tèst di supla ku ámbos shofùr, ku a mustra ku un sospechoso, un hòmber di inisial Z.D. di 53 aña a kunsumí mas alkohòl ku ta permití. A deten’é pa manehá bou di influensia di alkohòl.

Riba djabièrnè 15 di ougùstùs 2025, alrededor di 12:00 or di mardugá, a tuma lugá un otro aksidente na Kaya Korona entre dos vehíkulo. Segun maneho ‘botsen is blazen’, ámbos shofùr a hasi un tèst di supla. Komo resultado, un sospechoso, un hòmber di inisial G.A.E.A. di 31 aña di edat a kunsumí mas alkohòl ku ta permití. A deten’é pa manehá bou di influensia di alkohòl. Na warda di polis, a hasi un análisis di rosea, kaminda tambe a konfiská su reibeweis.

Bo a mira algu sospechoso? Yama 717 8000 òf e liña di tep anónimo 9310.

FUNETE:KPCN/LIVE99FM