KANTA NOS BONEIRU DEN FUL PREPARASHON

Kralendijk,-  Kantantenan pa festival di Kanta Bo Boneiru 25 ta praktikamente kla pa otro fin di siman. E dianan aki e partisipantenan, tantu adulto i e muchanan ta trein huntu ku e músikonan.

Algun detaye tin aki aya i por bisa pa fin di siman awor, nan ta kla pa kana yega e dia di kantamentu.  

E persona ku ta trèk e festival aki pa SKAL, kende ta Ruvienni Rodriguez a bisa ku tin diferente kantante nobo i talentoso huntu ku esnan ya konosí. preparashon ta den rekta final, pa djasabra 23 di ougùstùs, e festival tuma lugá, bon músika pa nos dushi hendenan di Boneiru.

Kasi tur anochi tin treinen i e entusiasmo ta grandi. Ta spera pueblo di Boneiru, bini pa sostené e kantantenan, tantu e hóbennan i adulto.

E aktividat ta tuma lugá na Sosial Cafe dia 23 di ougùstùs. Entrada ta un sonrisa i ku animá pa apoyá e kantantenan. Ta kuminsá for di 4or di atardi ku e parti di e hóbennan i pa 8or di anochi e adultonan. Potrèt durante treinen e siman aki.

FUENTE: FITTIPALDI PIETERSZ/LIVE99FM