‘BO GRANITO PA BONEIRU,’ UN PROGRAMA ÚNIKO PA KONTRIBUSHON DI ORGANISASHONNAN I EMPRESANAN NA FUTURO DI NOS HÓBENNAN.

Kralendijk – Dia 3 di yüli for di 17:30 or pa 19:30 or tin un enkuentro di informashon inspirativo tokante ‘Bo granito pa Boneiru – BGPB’ na Sentro di Bario Nikiboko.

Via ‘Bo granito pa Boneiru’ organisashonnan, empresarionan i empresanan ku kurason pa nos dushi Boneiru por kontribuí na desaroyo di hubentut boneriano. Hóbennan di 12 pa 30 aña ta haña oportunidat pa atkirí eksperensia i konosementu nobo serka un organisashon òf empresa.

Nan ta desaroyá nan talentonan skondí. Pa medio di nan bèkgrount i nan edat nan ta sòru pa un aporte nobo i refreskante na e organisashonnan, kompanianan òf empresanan.

‘Bo granito pa Boneiru’ tabata anteriormente konosí komo ‘Maatschappelijke Diensttijd Bonaire – MDT’.

Nan a kambia e nòmber akí pa hasi bon kla ku e hóbennan, organisashonnan i empresanan ku partisipá na e proyekto tin benefisio di esaki.

Durante e enkuentro di 3 di yüli 2025 nan ta splika kon organisashonnan sosial i empresanan por partisipá na diferente manera.

No ta importá riba kua tereno un organisashon òf un empresa ta aktivo. Den konsulta ku e kordinadó di proyekto BGPB nan ta ofresé un trayekto na midí.

Durante e enkuentro nan ta para ampliamente ketu na e tres pilánan di e proyekto, esta:

1. Enkuentro, hóbennan ta bini den kontakto ku hendenan i organisashonnan inspirativo.

2. Desaroyo, e partisipantenan ta desaroyá nan talentonan i abilidatnan.

3. Traha huntu, e hóbennan i e organisashonnan i empresanan ta kontribuí na fortifikashon di nos komunidat.

Pa e enkuentro di 3 di yüli 2025 organisashonnan, kompanianan i empresanan por registrá via whatsapp na +599 796 2999.

‘Bo granito pa Boneiru’ ta un kolaborashon entre ministerio di Enseñansa, Kultura i Siensia (OCW), Maatschappelijke Diensttijd Nederland i direktorado di Komunidat i Kuido di entidat públiko Boneiru.      

FUENTE: OLB/LIVE99FM

NEDERLANDS:

‘BO GRANITO PA BONEIRU,’ UNIEK PROGRAMMA VOOR BIJDRAGE ORGANISATIES EN BEDRIJVEN AAN DE TOEKOMST VAN JONGEREN

Kralendijk -Op 3 juli 2025 is er van 17:30 – 19:30 uur een inspirerende informatiebijeenkomst over ‘Bo granito pa Boneiru,’ BGPB, bij sentro di bario Nikiboko.

Via ‘Bo granito pa Boneiru’ kunnen organisaties, ondernemers en bedrijven met hart voor dushi Boneiru bijdragen aan de ontwikkeling van de Bonairiaanse jeugd. Jongeren van 12 tot 30 jaar krijgen de kans om bij een organisatie of bedrijf nieuwe ervaring en kennis op te doen.

Ze ontwikkelen hun sluimerende talenten. Door hun achtergrond en leeftijd zorgen ze voor een nieuwe, verfrissende inbreng in de organisaties, bedrijven of ondernemingen.

‘Bo granito pa Boneiru’ was eerder bekend als ‘Maatschappelijke Diensttijd Bonaire’, MDT. Die naam is veranderd om duidelijk te maken dat jongeren, de organisaties en bedrijven die meedoen aan het programma hier baat bij hebben.

Tijdens de bijeenkomst van 3 juli 2025 wordt uitgelegd hoe sociale organisaties en bedrijven op verschillende manieren kunnen meedoen. Het maakt niet uit op welk gebied een organisatie of bedrijf actief is.

In overleg met de coördinator van BGPB wordt een op maat gesneden traject aangeboden.

In de bijeenkomst wordt uitgebreid stilgestaan bij de drie pijlers van het project, namelijk:

1. Ontmoetingen, jongeren komen in contact met inspirerende mensen en organisaties. 

2. Ontwikkeling, de deelnemers ontwikkelen hun talent en vaardigheden.

3. Samenwerken, de jongeren en de organisaties en bedrijven dragen  bij aan de versterking van de samenleving.

Organisaties, bedrijven en ondernemers kunnen voor de bijeenkomst van 3 juli 2025 zich via de app aanmelden op  +599 796 2999. 

‘Bo granito pa Boneiru’  is een samenwerking tussen het ministerie van OCW, Maatschappelijk Diensttijd  Nederland, en de directie Samenleving en Zorg van het openbaar lichaam Bonaire.