SELEBRASHON 175 AÑA TERA KORÁ

Kralendijk—Diputado Nina Komishon Selebrashon di 175 aña di Mundu Nobo/Tera Korá, e siman aki a introdusí nan mes na e Grupo di 60 Plus Rekresaroyo di Tera Korá.

Nan a informá e grupo di adulto mayó, tokante selebrashon di e 175 aña Tera Korá, ku e ta for di djadumingu 27 di yüli pa djasabra 2 di ougùstùs.

E grupo ta trahando duru pa bini ku un tremendo programa, kaminda ta bai tin diferente aktividatnan pa grandi i chikitu.

For di djadumingu 27 di yüli, ta start ku un kaminata di Rincon pa Playa, rekordando historia di ántes, di unda nos hendenan a bini.

E djadumingu ta bai tin aktividatnan pa muchanan bou di Pal’i Tamarein. Djaluna anochi ta un anochi di informashon kaminda ta trese historia di e bario.

Djamars tin aktividat pa tur grandinan. Di djárason pa djasabra ta bai tin deportenan di Bolas, Dam i Dominó. E dianan aki, ta bai tin animashon di bandanan i diferente stènt di kuminda. E aktividatnan aki ta kana yega

djabièrnè 1 di ougùstùs, e dia ofisial di e Bario, ántes yamá Mundu Nobo i awor Tera Korá. E dia aki tin e selebrashon ofisial protokolar, manera tur aña parti mainta na Sentro di Bario Tera Korá i pa atardi tin un simadan di union ku ta sali for di vèlt di Jossy Boekhoudt Ball Park i wapa bini bou di pal’i tamarein. For di awor, nos ta invitá un i tur pa bin selebrá huntu nos 175 aña di nos bario.

FUENTE: FITTIPALDI PIETERSZ/LIVE99FM