Redakshon
Kralendijk – Kolegio Ehekutivo di entidat públiko Boneiru a pone un paso nobo pa mehorashon di maneho di kompanianan públiko.
Ku lantamentu di un departamento spesial di Kompania di Gobièrnu, entidat públiko Boneiru ta skohe pa supervishon profeshonal riba e kompanianan den kua e ta enbolbí komo akshonista.
Ta trata di kompanianan ku ta aktivo den sektornan krusial manera energia, maneho di shushi, transporte i desaroyo ekonómiko.
E kompanianan akí ta di gran importansia pa nos bida diario na Boneiru. Pa e motibu akí Kolegio Ehekutivo ke sa sigur ku nan ta funshoná bon, ku nan ta anda kuidadosamente ku sèn di komunidat i ku nan ta kontribuí na un servisio pagabel i konfiabel.
Servisio públiko fuerte ta rekerí un gobièrnu fuerte
‘Gobièrnu mester tuma su ròl komo doño na serio,’ segun diputado Clark Abraham, kende ta enkargá ku e kartera di Kompania di Gobièrnu. ‘Nos ke tin un bista den kon e kompanianan akí ta presta, kua ta e riesgonan ku tin, kiko nan ta aportá na nos komunidat i si nan ta logra nan metanan.’
Lantamentu di e departamento nobo ta ankra e responsabilidat akí den un forma sólido dentro di e organisashon públiko. Esaki ta nifiká: mihó maneho, mas supervishon i mas transparensia. E meta: un gobièrnu ku ta funshoná mihó pa nos hendenan di Boneiru.
Kiko esaki ta nifiká pa nos siudadanonan?
E Departamento di Kompania di Gobièrnu ta vigilá interes públiko, manera pagabilidat di koriente, kontinuidat di transporte, prosesamentu di shushi i stimulashon di empleo. E departamento ta desaroyá maneho, e ta tene supervishon i e ta raportá tokante esaki. Di e manera akí entidat públiko Boneiru por intervení mas trempan kaminda esaki ta nesesario i nan por duna mihó splikashon di e forma kon ta usa sèn di komunidat.
Di eksplorashon pa struktura fiho
Algun aña pasá ya kaba a nombra un ‘kwartiermaker’ pa eksplorá e tereno di kompania di gobièrnu. E fase akí a sòru pa konosementu balioso, pero no a kondusí ainda na un aserkamentu struktural. ‘Nos a siña ku pa bo ta un bon akshonista, esaki no por ta temporal.
E mester ta un parti fiho di kon nos ta funshoná komo gobièrnu,’ segun diputado Abraham.
E departamento nobo ta ranka sali e aña akí ku un tim di konsehero di maneho, hurista i eksperto finansiero.
E finansiamentu ta bini for di presupuesto di entidat públiko Boneiru i no ta bai a kosto di otro fasilidatnan sosial.
Traha huntu pa logra bon gobernashon
Ku e paso akí Kolegio Ehekutivo ta suprayá su kompromiso ku transparensia, gobernashon responsabel i un servisio públiko fuerte. Ta verwagt e promé raportahenan tokante e kompanianan di gobièrnu na aña 2026. ‘Nos ta hasi esaki pa Boneiru su hendenan,’ asina diputado Abraham ta konkluí. ‘Boso meresé fasilidatnan konfiabel, klaridat tokante kon ta gasta sèn di impuesto i un gobièrnu ku ta asumí su responsabilidat.’
FUENTE: OLB/LIVE99FM
NEDERLANDS:
BC RICHT AFDELING DEELNEMINGEN OP VOOR BETER TOEZICHT OP PUBLIEKE BEDRIJVEN
Kralendijk -Het Bestuurscollege van het openbaar lichaam Bonaire (OLB) heeft een nieuwe stap gezet om het beheer van publieke bedrijven te verbeteren.
Met de oprichting van een speciale Afdeling Deelnemingen kiest het OLB voor professioneel toezicht op ondernemingen waarin het als aandeelhouder betrokken is.
Het gaat om bedrijven die actief zijn in cruciale sectoren zoals energie, afvalbeheer, vervoer en economische ontwikkeling. Deze ondernemingen zijn van groot belang voor het dagelijks leven op Bonaire. Daarom wil het Bestuurscollege zeker weten dat ze goed functioneren, zorgvuldig omgaan met gemeenschapsgeld en bijdragen aan betaalbare, betrouwbare dienstverlening.
Sterke publieke diensten vragen om een sterke overheid
“De overheid moet haar rol als eigenaar serieus nemen,” zegt gedeputeerde Clark Abraham, portefeuillehouder Overheidsdeelnemingen. “We willen inzicht in hoe deze bedrijven presteren, welke risico’s er zijn, wat ze bijdragen aan de samenleving en of ze hun doelen bereiken.”
Met de oprichting van de nieuwe afdeling wordt deze verantwoordelijkheid stevig verankerd binnen de ambtelijke organisatie. Dat betekent: beter beleid, meer toezicht en meer transparantie. Het doel: een overheid die beter werkt voor de mensen van Bonaire.
Wat betekent dit voor de burger?
De Afdeling Deelnemingen bewaakt publieke belangen zoals de betaalbaarheid van stroom, continuïteit van vervoer, verwerking van afval en het stimuleren van werkgelegenheid. De afdeling ontwikkelt beleid, houdt toezicht en rapporteert daarover. Zo kan het OLB eerder ingrijpen waar nodig én beter uitleg geven over hoe gemeenschapsgeld wordt ingezet.
Van verkenning naar vaste structuur
Enkele jaren geleden werd al een kwartiermaker aangesteld om het terrein van overheidsdeelnemingen te verkennen. Die fase leverde waardevolle inzichten op, maar leidde nog niet tot een structurele aanpak. “We hebben geleerd dat goed aandeelhouderschap niet tijdelijk mag zijn. Het moet een vast onderdeel zijn van hoe we als overheid werken,” aldus gedeputeerde Abraham.
De nieuwe afdeling start dit jaar met een team van beleidsadviseurs, juristen en financiële experts. De financiering komt uit de OLB-begroting en gaat niet ten koste van andere maatschappelijke voorzieningen.
Samen werken aan goed bestuur
Met deze stap onderstreept het Bestuurscollege zijn inzet voor transparantie, verantwoord bestuur en sterke publieke dienstverlening. De eerste publieke rapportages over de deelnemingen worden in 2026 verwacht.
“Wij doen dit voor de mensen van Bonaire,” besluit gedeputeerde Abraham. “U verdient betrouwbare voorzieningen, duidelijkheid over de besteding van belastinggeld en een overheid die haar verantwoordelijkheid neemt.”
GIPHY App Key not set. Please check settings