NOMBRASHON DI UN DIREKTIVA NOBO PA FUNDASHON SENTRO KULTURAL BONEIRU – STICHTING CULTUREEL CENTRUM BONAIRE

Kralendijk – Dia 6 di yüni 2025 gezaghèber di Boneiru a nombra un direktiva nobo pa Fundashon Sentro Kultural Boneiru – Stichting Cultureel Centrum Bonaire.

E fundashon akí ku nan a lanta na aña 1968 ku komo meta pa promové bida kultural na nos isla, pa hopi tempu kaba no tabata aktivo.

Inaktividat i falta di registrashon formal

For di investigashon a resultá ku e fundashon te ku awe no ta inskribí den registro komersial di Kámara di Komèrsio. A resultá ku e inskripshon akí no ta posibel, pa motibu ku no tin dokumentu disponibel ku ta duna klaridat tokante e nombrashonnan i renunsia di miembronan di direktiva entre 1968 i 2023. Den práktika esaki ta nifiká ku no tabatin kestion mas di un direktiva hurídikamente bálido.

Base legal pa intervenshon di gezaghèber

E statutonan di e fundashon ta stipulá ku gezaghèber por nombra un direktiva nobo ora no tin un direktiva bálido mas. Pa e motibu akí, riba petishon di e personanan enbolbí, gezaghèber a hasi uso di e kompetensia akí i dia 6 di yüni 2025 a nombra un direktiva nobo.

Nombrashon a base di ekspertisio i independensia

Aunke no a stipulá profilnan formal di direktiva pa e fundashon, gezaghèber a skohe pa kandidatonan ku konosementu i eksperensia hurídiko i sosial. E miembronan nobo nombrá ta independiente i nan ta ehersé nan tarea dentro di e kuadronan di e statutonan eksistente.

Paso den direkshon di reedifikashon i resiliensia pa futuro

Ku e nombrashon akí a pone un paso importante den direkshon di registrashon formal di e fundashon na Kámara di Komèrsio. Gezaghèber a ekspresá e konfiansa ku e direktiva nobo por duna e organisashon un bida nobo.

Den esaki tin atenshon spesial pa desaroyo di un struktura duradero di direktiva i realisashon di prosesonan interno segun e prinsipionan di Good Corporate Governance.

Impulso nobo pa kultura na Boneiru

Despues di su registrashon e fundashon por reanudá su tarea original atrobe aktivamente i un biaha mas e por ta di nifikashon pa Boneiru su desaroyo kultural. Finalmente gezaghèber a ekspresá e deseo ku lo bai atendé den un forma duradero ku Sentro di Bario Rincon ku ta propiedat di e fundashon.

FUENTE: OLB/LIVE99FM

NEDERLANDS:

BENOEMING NIEUW BESTUUR STICHTING CULTUREEL CENTRUM BONAIRE

Kralendijk – De gezaghebber van Bonaire heeft op 6 juni 2025 een nieuw bestuur benoemd voor de Stichting Cultureel Centrum Bonaire.

Deze stichting, opgericht in 1968 met als doel het bevorderen van het culturele leven op het eiland, is al geruime tijd inactief geweest.

Inactiviteit en ontbreken van formele registratie

Uit onderzoek is gebleken dat de stichting tot op heden niet is ingeschreven in het handelsregister van de Kamer van Koophandel.

Deze inschrijving bleek niet mogelijk, omdat er geen documenten beschikbaar zijn die helderheid geven over de benoemingen en het aftreden van bestuursleden tussen 1968 en 2023. Dit betekende in de praktijk dat er geen sprake meer was van een rechtsgeldig bestuur.

Wettelijke grondslag voor ingrijpen gezaghebber

De statuten van de stichting bepalen dat de gezaghebber een nieuw bestuur mag aanstellen wanneer een geldig bestuur ontbreekt.

Op verzoek van betrokkenen heeft de gezaghebber daarom gebruikgemaakt van deze bevoegdheid en op 6 juni 2025 een nieuw bestuur benoemd.

Benoeming op basis van expertise en onafhankelijkheid

Hoewel er geen formele bestuursprofielen voor de stichting waren vastgesteld, heeft de gezaghebber gekozen voor kandidaten met juridische en maatschappelijke kennis en ervaring.

De nieuw benoemde leden zijn onafhankelijk en voeren hun taak uit binnen de kaders van de bestaande statuten.

Stap naar heropbouw en toekomstbestendigheid

Met deze benoeming is een belangrijke stap gezet richting formele registratie van de stichting bij de Kamer van Koophandel.

De gezaghebber spreekt het vertrouwen uit dat het nieuwe bestuur de organisatie nieuw leven kan inblazen. Daarbij is er bijzondere aandacht voor het ontwikkelen van een duurzame bestuursstructuur en het inrichten van interne processen volgens de principes van Good Corporate Governance.

Nieuwe impuls voor cultuur op Bonaire

Na de registratie kan de stichting haar oorspronkelijke taak weer actief oppakken en opnieuw van betekenis zijn voor de culturele ontwikkeling van Bonaire. Tot slot wordt de hoop uitgesproken dat het buurthuis van Rincon, dat in eigendom is van de stichting, duurzaam aangepakt zal worden.