Redakshon
Kralendijk – E kampaña Bario Limpi a terminá eksitosamente. Durante tres wikènt di akshon den e promé tres simannan di desèmber a kolektá en total 132 tòn di Sushi den diferente bario na Boneiru.
E último rònt di akshon a tuma lugá for di 19 te ku 21 di desèmber, kaminda a kolektá otro 38 tòn di sushi.
Bario Limpi tabata un inisiativa di Direktorado di Supervishon i Mantenshon di Lei di Entidat Públiko Boneiru i Selibon NV. Ku satisfakshon ámbos organisashon ta wak bèk riba e kampaña. Hopi habitante a hasi uso di e bakinan di shushi temporal ku nan a pone na diferente sitio den e barionan. Danki na e kompromiso konhunto akí vários bario visibelmente a bira mas limpi.
Despues ku e kampaña a finalisá, Selibon NV a limpia tur sitio kaminda tabatin baki di sushi kompletamente, di manera ku a laga espasio públiko nèchi atras.
E kantidat di sushi kolektá pa kada bario ta komo lo siguiente:
- Amboina: 18,8 tòn
- Antriol Pariba: 7,6 tòn
- Antriol Pabou: 8,1 tòn
- Belnem: 6,6 tòn
- Hato: 2,6 tòn
- Playa: 2,4 tòn
- Nikiboko Nort: 12 tòn
- Nikiboko Sùit: 15,4 tòn
- Nort’i Saliña: 8,2 tòn
- Rincon: 8,6 tòn
- Tera Kòrá: 23 tòn
- Tra’i Montaña: 8,5 tòn
Durante e kampaña e bario Nikiboko a kolektá en total 27,4 tòn di sushi (Nort i Sùit huntu) i ku esaki a resultá di ta e bario ku a presta mihó den e kampaña.
‘Nos ta hopi orguyoso di dedikashon di nos hendenan den e barionan,’ segun Sherman Blanken, hefe di departamento di Proyekto di Mantenshon di Lei i Taskforce. ‘E kampaña akí ta mustra ku huntu berdaderamente nos por hasi e diferensia. Sigur nos ta bai wak si nos por organisá Bario Limpi mas biaha den futuro.’
A bini ku e kampaña Bario Limpi pa sostené nos habitantenan na momentu di deshasí di shushi i pa krea konsientisashon tokante importansia di un ambiente di biba salú. E resultado ta mustra ku enbolbimentu di nos hendenan ta grandi i ku hopi habitante aktivamente ke hasi esfuerso pa un Boneiru mas limpi.
FUENTE: OLB/LIVE99FM
NEDERLANDS:
SAMEN STERK VOOR EEN SCHOON BONAIRE: BARIO LIMPI HAALT 132 TON AFVAL OP
Kralendijk – De campagne Bario Limpi is succesvol afgerond. Tijdens drie actieweekenden in de eerste drie weken van december is in totaal 132 ton afval ingezameld in verschillende wijken op Bonaire.
De laatste actieronde vond plaats van 19 tot en met 21 december, waarbij nog eens 38 ton afval werd opgehaald.
Bario Limpi was een initiatief van de Directie Toezicht en Handhaving van het Openbaar Lichaam Bonaire (OLB) en Selibon NV. Beide organisaties kijken met tevredenheid terug op de campagne. Veel bewoners maakten gebruik van de tijdelijke afvalbakken die verspreid in de wijken waren geplaatst. Dankzij deze gezamenlijke inzet zijn meerdere buurten zichtbaar schoner geworden.
Na afloop van de campagne heeft Selibon NV alle locaties waar de afvalbakken stonden volledig schoongemaakt, zodat de openbare ruimte netjes is achtergelaten.
De ingezamelde hoeveelheid afval per wijk is als volgt:
- Amboina: 18,8 ton
- Antriol Pariba: 7,6 ton
- Antriol Pabou: 8,1 ton
- Belnem: 6,6 ton
- Hato: 2,6 ton
- Playa: 2,4 ton
- Nikiboko Noord: 12 ton
- Nikiboko Zuid: 15,4 ton
- Nort Saliña: 8,2 ton
- Rincon: 8,6 ton
- Tera Kòrá: 23 ton
- Traí Montaña: 8,5 ton
De wijk Nikiboko heeft tijdens de campagne in totaal 27,4 ton afval ingezameld (Noord en Zuid samen) en is daarmee als best presterende wijk uit de campagne naar voren gekomen.
“We zijn heel trots op de inzet van de mensen in de wijken,” zegt Sherman Blanken, afdelingshoofd Handhavingsprojecten & Taskforces. “Deze campagne laat zien dat we samen echt het verschil kunnen maken. We gaan zeker bekijken of we Bario Limpi vaker kunnen organiseren in de toekomst.”
De campagne Bario Limpi is opgezet om bewoners te ondersteunen bij het opruimen van afval en om bewustwording te creëren over het belang van een schone leefomgeving. De resultaten laten zien dat de betrokkenheid groot is en dat veel inwoners zich actief willen inzetten voor een schoner Bonaire.
GIPHY App Key not set. Please check settings