MIEMBRONAN DI KONSEHO INSULAR DI BONAIRE A REGRESÁ FOR DI BIAHE DI TRABOU NA HULANDA

KralendijkE delegashon di Konseho Insular di Bonaire a regresá for di un biahe di trabou na Hulanda, ku a tuma lugá di dia 7 te ku 17 di desèmber 2025. Durante e bishita, e enfoke tabata riba interkambio di konosementu, interesnan i fortifikashon di lasonan di kooperashon den Reino i ku sosionan europeo.

Partisipashon na kongreso di InterExpo na Den Haag

Durante e kongreso di tres dia di InterExpo na Den Haag, miembronan di Konseho Insular a partisipá aktivamente na un programa supstansial. E kongreso a keda habrí ku diskursonan di, entre otro, Eddie van Marum (Staatssecretaris), Jan Peter Balkenende (eks- promé minister di Hulanda), Ernst Hirsch Ballin (eks-minister di hustisia i seguridat na Hulanda), Sarah Wescot-Williams; Presidente di parlamento di Sint Maarten i Luc Mercelina; Prome minister di Sint Maarten, siguí pa un debate ku representantenan di Aruba, Kòrsou, Sint Maarten i Hulanda.

Den e dianan despues, presentashonnan i pènelnan tabata tokante temanan manera finansa, enseñansa i desaroyonan sosial, kaminda miembro di Konseho Insular Daisy Coffie a partisipá den un pènel tokante derecho sosial hustu den enseñansa. Durante e di tres dia, miembro di Konseho Insular Hennyson Thielman huntu ku profesor Van Rijn a duna e presentashon “15 aña Entidat Públiko Bonaire; na unda nos ta awor?”, den kual a resaltá e desaroyo konstitushonal i gubernamental, ekonómiko i sosial di Bonaire promé i despues di 2010. E aporte akí a lanta hopi interes den region i a suprayá e importansia di mas kooperashon den Reino. Tambe miembro di konseho insular Simeona Chirino-Felida a partisipá na un debate ku e tema: “Kiko Hulanda i e islanan ke realmente di otro aworakí?”.

Konsulta i enkuentronan

Durante e biahe di trabou, miembronan di Konseho Insular a hiba un enkuentro informal ku un organisashon di kuido i guia pa pashènt pa skucha tokante e organisashon i e opstákulonan ku nan ta enfrentá, ku atenshon spesial pa e kontinuidat di guia durante kasonan di bishita médiko. A papia tokante e impakto ku interupshonnan den e guia por tin riba e pashèntnan. Alabes a hasi palabrashonnan pa mihó interkambio i aksesibilidat di informashon, ku e meta pa oumentá e bista riba e forma di traha i e retonan di e organisashon. E miembronan di Konseho Insular a indiká ku nan ta haña importante pa tin mas klaridat, di moda ku por fundamentá desishonnan den futuro na un manera kouteloso.

Ademas, a tuma lugá un kombersashon di introdukshon ku e parlamentario europeo Marit Maij, kaminda e miembronan di Konseho Insular a duna un splikashon riba e situashon gubernamental i sosial di Bonaire i e kuadro den kual Union Europeo ta atendé ku Bonaire. Tambe a papia tokante posibel sosten for di Union Europeo i e prosesonan nesesario pa por tin akseso na fondonan pa proyektonan lokal.

Dia 15 di desèmber miembronan di Konseho Insular tabata presente na e Dia di Reino di De Haagse Hogeschool, kaminda tabata tin un programa ekstenso ku diferente profesor riba diferente tereno ku ta toka e islanan i tambe workshop nan ku temanan interesante pa amplia konosementu. Un oportunidat balioso pa topa otro, kompartí idea i fortifiká e kooperashon den Reino.

Bishita na Raad van State

Dia 15 di desèmber 2025, Miembronan di Konseho Insular di Bonaire a realisá un bishita di trabou na Raad van State, kaminda a diskutí e posishon gubernamental di Bonaire, e ampliashon di miembronan di Konseho Insular proponé i e kambionan den WolBES i FinBES. Konseho Insular a enfatisá ku e status aktual di Bonaire ta trese retonan kuné, manera partisipashon i outonomia limitá, i ku e deseonan pa un ampliashon kualitativo di e Konseho Insular no ta keda inkluí sufisientemente. Tambe Konseho Insular a señalá e importansia di mas embolbimentu den e konsulta di proyektonan di lei, pa asina respetá palabrashonnan manera a palabrá na De Bilt i pa garantisá ku desishonnan den futuro ta kuadra bon ku e realidat na Bonaire.

Konsulta ku Eerste i Tweede Kamer

Den kuadro di e biahe di trabou, miembronan di Konseho Insular a tene konsulta ku miembronan di e komishon di Relashonnan den Reino di Eerste Kamer. Durante e enkuentro akí, temanan importante a bin dilanti, manera e kambionan di WolBES i FinBES, e Plan di Impuesto BES 2026, seguridat, enseñansa, kuido, klima i akohida pa mucha. A palabrá pa den futuro drenta den konsulta ku otro na un manera mas struktural.

Tambe miembronan di Konseho Insular tabata presente den un reunion públiko di komishon di relashonnan den reino di Tweede kamer, kaminda a debatí tokante e kambionan di WolBES i FinBES, e Plan di Impuesto BES 2026, seguridat, enseñansa, kuido, klima i akohida pa mucha. A trese un bista mas real di e situashon na Bonaire pa loke ta trata e forma di atendé ku e islanan. A palabrá pa den futuro drenta den konsulta ku otro na un manera mas struktural.

Riba 17 di desèmber 2025, durante e reunion di komishon di Relashonnan den Reino di Tweede Kamer, a deklará e proposishon pa ampliashon di e Konseho Insularnan i diputadonan di e islanan BES komo kontroversial. E tópiko akí tambe a keda debatí enfátikamente durante e enkuentronan di Konseho Insular di Bonaire ku e miembronan di komishon KOREL. Konseho Insular a enfatisá e importansia di un mihó bista riba e konsekuensianan gubernamental, finansiero i organisatorio di e kambionan intenshoná den WolBES i FinBES, pa asina por evaluá e efektonan di e kambionan akí ku koutela i implementá nan na un manera responsabel.

Debí na e status kontroversial di e proposishon, e tratamentu i tomo di desishon lo keda posponé, lokual ta duna espasio pa konsulta i sinkronisashon ku e islanan enbolbí.

Miembronan di Konseho Insular di Bonaire ta mira bèk riba un biahe di trabou intensivo i konstruktivo, den kual a establesé kontaktonan balioso i a trese temanan importante bou di atenshon. E konosementu i palabrashonnan ku a keda hasí ta forma un base sólido pa mas kooperashon i desaroyo di maneho na bienestar di e komunidat boneriano

FUENTE: KONSEHO INSULAR BONAIRE/LIVE99FM

NEDERLANDS:

LEDEN VAN EILANDSRAAD VAN BONAIRE KEREN TERUG VAN DIENSTREIS IN NEDERLAND

Kralendijk – De delegatie van de Eilandsraad van Bonaire is terug van een dienstreis naar Nederland, die plaatsvond van 7 tot en met 17 december 2025. Tijdens het bezoek lag de focus op kennisuitwisseling, belangenbehartiging en het versterken van samenwerkingsverbanden binnen het Koninkrijk en met Europese partners.

Deelname aan InterExpo-congres in Den Haag

Tijdens het driedaagse InterExpo-congres in Den Haag nam de Eilandsraad actief deel aan een inhoudelijk en inspirerend programma. Het congres werd geopend met toespraken van onder anderen Eddie van Marum; staatssecretaris van Binnenlandse Zaken en Koninkrijksrelaties, Jan Peter Balkenende; ex-premier voor Nederland, Ernst Hirsch Ballin; ex-minister justitie en veiligheid, Sarah Wescot-Williams; voorzitter parlament van Sint Maarten en Luc Mercelina; Minister president Sint Maarten, gevolgd door een levendige paneldiscussie met vertegenwoordigers van Aruba, Curaçao, Sint Maarten en Nederland.

In de daaropvolgende dagen stonden presentaties en panels centraal over thema’s als financiën, onderwijs en maatschappelijke ontwikkelingen, waarbij eilandsraadslid Daisy Coffie deelnam aan een panel over sociaal rechtvaardig onderwijs. Tijdens de derde dag verzorgde eilandsraadlid Hennyson Thielman samen met professor Van Rijn de presentatie “15 jaar Openbaar Lichaam Bonaire; waar staan wij nu?”, waarin de constitutionele, bestuurlijke, economische en sociale ontwikkeling van Bonaire voor en na 2010 werd belicht. De bijdrage leidde tot brede interesse binnen de regio en onderstreepte het belang van verdere samenwerking binnen het Koninkrijk.

Ook nam eilandsraadslid Simeona Chirino-Felida deel aan een paneldiscussie met als thema

“Wat wil Nederland en wat willen de eilanden nu echt van elkaar?”.

Overleg en ontmoetingen

Tijdens de dienstreis voerde de Eilandsraadleden een informeel overleg over de werkzaamheden van een zorgbegeleidende organisatie en de knelpunten waarmee zij te maken heeft, met bijzondere aandacht voor de continuïteit van begeleiding bij medische uitzendingen. Er is gesproken over de impact die onderbrekingen in begeleiding kunnen hebben op patiënten. Tevens zijn afspraken gemaakt over het beter delen en toegankelijk maken van informatie, met als doel het inzicht in de werkwijze en de uitdagingen van de organisatie te vergroten. De Eilandsraad gaf aan het belangrijk te vinden dat er meer duidelijkheid ontstaat, zodat toekomstige besluiten zorgvuldig kunnen worden onderbouwd.

Daarnaast vond een kennismakingsgesprek plaats met Europarlementariër Marit Maij, waarbij de leden van de Eilandsraad een toelichting gaven op de bestuurlijke en maatschappelijke situatie van Bonaire en het kader waarin de Europese Unie met Bonaire omgaat. Ook is gesproken over mogelijke ondersteuning vanuit de Europese Unie en de noodzakelijke processen om toegang te kunnen krijgen tot fondsen voor lokale projecten.

De leden van de Eilandsraad waren verder aanwezig bij de Koninkrijksdag van De Haagse Hogeschool, een waardevolle gelegenheid om elkaar te ontmoeten, ideeën te delen en de samenwerking binnen het Koninkrijk te versterken. Tijdens deze bijeenkomst zijn onder meer gesproken over wijzigingen in de WolBES en FinBES, het belastingplan, veiligheid, onderwijs, zorg, klimaat en kinderopvang.

Bezoek aan de Raad van State

Op 15 december 2025 bracht de Eilandsraad van Bonaire een werkbezoek aan de Raad van State, waar de bestuurlijke positie van Bonaire, de voorgestelde uitbreiding van de eilandsraad en wijzigingen in de WolBES en FinBES werden besproken. De Eilandsraad benadrukte dat de huidige status van Bonaire uitdagingen met zich meebrengt, zoals beperkte inspraak en zeggenschap, en dat de wensen voor een kwalitatieve uitbreiding van de raad onvoldoende worden meegenomen. Ook wees de Eilandsraad op het belang van meer betrokkenheid bij de consultatie van wetsvoorstellen, zodat afspraken zoals de Consensus van De Bilt worden gerespecteerd en toekomstige besluiten goed aansluiten bij de realiteit op Bonaire.

Overleg met Eerste en Tweede Kamer

In het kader van de dienstreis hebben leden van de Eilandsraad overleg gevoerd met leden van de commissie Koninkrijksrelaties van de Eerste Kamer. Tijdens deze ontmoeting kwamen belangrijke thema’s aan bod, zoals de wijzigingen in de WolBES en FinBES, het Belastingplan BES 2026, veiligheid, onderwijs, zorg, klimaat en kinderopvang. Er is afgesproken om in de toekomst vaker op een structurele manier met elkaar in overleg te treden.

Tevens waren de leden van de Eilandsraad aanwezig bij een openbare commissievergadering van Koninkrijksrelaties van de Tweede Kamer, waar werd gedebatteerd over de wijzigingen in de WolBES en FinBES, het Belastingplan BES 2026, veiligheid, onderwijs, zorg, klimaat en kinderopvang. Er werd een realistischer beeld geschetst van de situatie op Bonaire wat betreft de manier waarop er met de eilanden wordt omgegaan. Ook hierbij is afgesproken om in de toekomst vaker op een structurele manier met elkaar in overleg te treden.

Op 17 december 2025 werd tijdens de commissievergadering Koninkrijksrelaties van de Tweede Kamer het voorstel voor de uitbreiding van de Eilandsraden en gedeputeerden van de BES-eilanden controversieel verklaard. Dit onderwerp kwam ook nadrukkelijk aan bod tijdens de

ontmoetingen van de Eilandsraad van Bonaire met de leden van de commissie KOREL (Koninkrijksrelaties). De Eilandsraad benadrukte het belang van een beter inzicht in de bestuurlijke, financiële en organisatorische consequenties van de voorgenomen wijzigingen in de WolBES en FinBES, zodat de effecten van deze veranderingen zorgvuldig kunnen worden beoordeeld en op een verantwoorde manier kunnen worden geïmplementeerd. Vanwege de controversiële status van het voorstel zal de verdere behandeling en besluitvorming worden uitgesteld, wat ruimte biedt voor overleg en synchronisatie met de betrokken eilanden.

De Eilandsraad van Bonaire kijkt terug op een intensieve en constructieve dienstreis, waarin waardevolle contacten zijn gelegd en belangrijke onderwerpen onder de aandacht zijn gebracht. De opgedane kennis en de gemaakte afspraken vormen een solide basis voor verdere samenwerking en beleidsontwikkeling in het belang van de Bonairiaanse gemeenschap.