ENTIDAT PÚBLIKO BONEIRU TA INTRODUSÍ KIOSKO ‘SELF SERVICE’ I ‘SMART E-GATES’ NA AEROPUERTO

Kralendijk – Pa keda inovativo i sigui mehorá nos prosesonan, durante e simannan tras di lomba a instalá kiosko ‘self service’ i ‘smart e-gates’ (porta elektróniko inteligente) na Aeropuerto Flamingo.

Ta usa e aparatonan moderno akí pa kobra impuesto di turista i pa kontròl di QR-code.

E aparatonan nobo akí ta sòru pa un eksperensia mas rápido i mas agradabel pa nos bishitantenan. Banda di esaki nan ta redusí e chèns pa froude i eror humano. E tim di aeropuerto ta keda presente pa na un manera amabel yama e pasaheronan bon biní i pa yuda nan ora nan tin pregunta òf ora nan mester hasi deklarashon ònlain.

E pasaheronan ku tin un QR-code internashonal di $75 pagá, na un manera simpel via e ‘smart e-gates’ por skèn nan QR-code i haña akseso rápidamente. E bishitantenan ku ya kaba a hasi nan deklarashon ònlain, pero ku ainda no por a hasi e pago, por ehèmpel pa motibu ku nan no tin un iDEAL card òf creditcard, por akudí na e kioskonan ‘self service’.

Pa e bishitantenan ku tin un tarifa di eksepshon di $10 òf un eksonerashon, nada no ta kambia ainda. Te ainda nan ta haña asistensia personal i nan ta mustra e empleado públiko ku ta kobra e impuesto nan dokumentunan di prueba ku ta pertenesé na e tarifa di eksepshon.

Diputado Weber a tuma e aparatonan nobo ofisialmente den uso. Tokante esaki el a bisa lo siguiente: ‘Ku e modernisashon akí nos ta pone un paso importante den direkshon di kobransa inovativo i efisiente di impuesto. Nos ta sòru pa ménos eror humano i nos ta ofresé nos bishitantenan un eksperensia úniko i agradabel na nan yegada na Aeropuerto Flamingo i na Boneiru.’  

FUENTE: OLB/LIVE99FM

NEDERLANDS:

OPENBAAR LICHAAM BONAIRE INTRODUCEERT SELF-SERVICE-KIOSKEN EN SMART E-GATES OP DE AIRPORT

Kralendijk – Om innovatief te blijven en processen steeds te verbeteren, zijn de afgelopen weken nieuwe self-service-kiosken en smart e-gates geïnstalleerd op Flamingo Airport.

Deze moderne apparatuur wordt gebruikt voor de inning van de toeristenbelasting en de controle op de QR-codes.

De nieuwe apparatuur zorgt voor een snellere en prettigere ervaring voor bezoekers. Daarnaast verkleinen zij de kans op fraude en menselijke fouten. Het airportteam blijft aanwezig om passagiers vriendelijk te verwelkomen en te helpen bij vragen of bij het online doen van hun aangifte.

Passagiers met een betaalde internationale QR-code van $75 kunnen via de smart e-gates eenvoudig hun code scannen en snel toegang krijgen. Bij de self-service-kiosken kunnen bezoekers terecht die hun aangifte al online hebben gedaan, maar nog niet hebben kunnen betalen, bijvoorbeeld omdat zij geen iDEAL- of creditcard hebben.

Voor bezoekers met een uitzonderingstarief van $10 of een vrijstelling verandert er nog niets. Zij worden nog steeds persoonlijk geholpen en tonen hun bewijsstukken die bij het uitzonderingstarief gevraagd worden aan de inningsambtenaar.

Gedeputeerde Weber heeft de nieuwe apparatuur officieel in gebruik genomen. Hij zegt hierover: “Met deze modernisering zetten we een belangrijke stap richting innovatieve en efficiënte belastinginning. We verminderen menselijke fouten en bieden bezoekers een unieke en prettige ervaring bij aankomst op Flamingo Airport en Bonaire.”