MINISTER  DI ENSEÑANSA GOUKE MOES DI GABINETE DEMISIONARIO  SCHOOF TA DI BISHITA NA BONAIRE

Kralendijk,- Pa e konsulta ministerial ku e ministernan di Kòrsou, Aruba i Sint Maarten mi ta kuminsá na puntra ki balor e bishita aki tin ya ku ta bini un otro gabinete i e chèns ku BBB, partido di Minister Moes, ta den gabinete ta chikitu.

Awor ki e minister ta bai papia tokante enseñansa na Bonaire. Ki ta posishon di direktivanan di e skolnan relashoná kon mester organisá nos enseñansa na benefisio di tur alumno. Minister ta bai bishitá un skol primario i komunidat di skol i lo papia ku alumno i maestronan.

Tambe lo bishitá Magazina di Rei i ta bai papia di e programa Kibrahacha i lista di herensia inmaterial. Pa esnan elitario e kosnan aki ta bunita i ta para ketu na e parti kosmétika, lokalnan ku èrko, Magazina di Rei, ku ningun hende no sa dikon e edifisio tin e nòmber ei i ta ken a duna e edifisio e nòmber ei.

Mi ta kere ku despues di diessinku aña ta tempu pa presentá idea kon nos enseñansa mester ta pa desaroyo di alumnonan ku ta haña enseñansa na Bonaire mi ta bisa ku mester kuminsá ku e promé edukadó ku ta partera, sigui pa lidernan di krèsh, di kuido, studiantenan, artistanan, maestronan, mayornan.

Enseñansa na Bonaire ku edifisio bunita bon ekipá ku aparatonan sofistiká, no ta bisa nada tokante e alumno su desaroyo, mental, moral i sosial.

Nos ta sigui riba e kaminda bieu ku ta keda benta talento afó. Nos enseñansa ta anti emansipatorio. Nos mester traha riba nos kalidat di enseñansa. Na e konsulta mester por trese na un manera konvisente ku Bonaire mester di un HBO i ku enseñansa ta “Van aanhoudende zorg “ segun artíkulo 23 di konstitushon hulandes  òf manera defuntu Jopi Abraham a bisa ”De minister is van aanhoudende zorg” si e no ke tende.

FUENTE: ARTHUR SEALY