DIPUTADO SILBERIE A RISIBÍ  KUATER BUKI PA MUCHA FOR DI ANGLIET BAIDJOE

Kralendijk – Diputado Peter Silberie a risibí kuater buki pa mucha for di e outor Angliet Baidjoe. E outor a skirbi e bukinan akí spesialmente pa mucha di skol básiko i el a laga publiká nan den vários idioma.

E títulonan ta: Ezeltje Bibi, Boom Kumba, Kaki Cactus i Bonnie de Vis. Tres buki a keda emití na kuater idioma: papiamentu, hulandes, ingles i spañó. Boom Kumba no a sali na spañó.

E storianan ta konektá ku bèkgrount sosial i kultural di nos muchanan na Boneiru i nan tur ta kontené un mensahe edukativo. Ezeltje Bibi ta bai tokante kon pa kuida bestia bon, Boom Kumba ta bai tokante e konsekuensianan di e krísis di klima, Kaki Cactus tokante rèspèt i konektividat, i Bonnie de Vis tokante kuriosidat pa siña konosé mundu sin lubidá bo propio kas.

Ku e bukinan akí Angliet Baidjoe ke laga nos muchanan lesa i siña den nan propio idioma, i na mes momentu deskubrí otro idioma tambe.

Entretantu Angliet Baidjoe ta trahando riba un buki nobo pa mucha ku ta sali den luna di òktober binidero. Tin plan tambe pa dos buki pa adulto.

FUENTE: OLB/LIVE99FM

NEDERLANDS:

GEDEPUTEERDE SILBERIE ONTVANGT 4 KINDERBOEKEN VAN ANGLIET BAIDJOE

Kralendijk – Gedeputeerde Peter Silberie heeft vier kinderboeken in ontvangst genomen van auteur Angliet Baidjoe. De boeken zijn speciaal geschreven voor kinderen op de basisschool en verschenen in meerdere talen.

De titels zijn: Ezeltje Bibi, Boom Kumba, Kaki Cactus en Bonnie de Vis. Drie boeken zijn uitgegeven in vier talen: Papiamentu, Nederlands, Engels en Spaans. Boom Kumba is niet in het spaans verschenen.

De verhalen sluiten aan bij de leefwereld van kinderen op Bonaire en hebben allemaal een leerzame boodschap. Zo gaat Ezeltje Bibi over goed zorgen voor dieren, Boom Kumba over de gevolgen van de klimaatcrisis, Kaki Cactus over respect en verbondenheid, en Bonnie de Vis over nieuwsgierig zijn naar de wereld zonder je thuis te vergeten.

Met deze boeken wil Angliet Baidjoe kinderen laten lezen en leren in hun eigen taal, en tegelijk andere talen ontdekken.

Angeliet Baidjoe werkt intussen aan een nieuw kinderboek dat in oktober verschijnt. Ook zijn er plannen voor twee boeken voor volwassenen.