Redakshon
Kralendijk,- Den un reunion di toma di desishon di Konseho Insular ku a tuma lugá riba djárason 10 di sèptèmber 2025, e lider di frakshon di partido MPB Hennyson Thielman a presentá un moshon den kua e ta boga pa gobièrnu di Boneiru bini ku un programa pa hendenan djafó ku bin biba nobo na Boneiru i ku no ta papia papiamentu, haña oportunidat pa siña nos idioma i tambe tokante nos normanan, balornan i kustumbernan.
E moshon akí a keda aseptá unánimamente. Durante su presentashon Thielman a trese dilanti ku e último selebrashon di Dia di Boneiru a lanta hopi diskushon tokante nos normanan, balornan i kustumbernan komo isla. E diskushonnan akí tin di haber ku kresementu eksplosivo di Boneiru su poblashon den e último añanan, miéntras ku sifranan resien di CBS ta duna un indikashon ku ya kaba nos ta na 27 mil habitante na Boneiru. Kada biaha mas i mas suidadano nobo ta bini nos isla pa duna un aporte i traha den diferente sektor.
Peliger di pèrdida di identidat
Den su moshon Hennyson Thielman ta trese tambe dilanti ku hopi di e siudadanonan nobo akí no konosé nos idioma, ni nos norma- i balornan. Alabes el a mustra riba e echo ku papiamentu ta e idioma materno na Boneiru i ta sumamente importante pa nos konservá esaki na Boneiru no opstante kresementu di nos poblashon. Mas aleu Thielman ta menshoná ku na momentu ku mas siudadano nobo ta bin biba na Boneiru, nos ta kore peliger ku nos norma- i balornan komo isla lo bira ménos visibel dia pa dia si nos no duna esaki atenshon. Ademas por opservá ku hopi di nos hóbennan ku ta lantando awor akí no konosé nos norma- i balornan manera antes.
Kurso di integrashon di kampaña di konsientisashon
A base di e alegashonnan akí di Hennyson Thielman, lider di frakshon di MPB, den forma unánime Konseho Insular a bai di akuerdo pa urgi Kolegio Ehekutivo pa krea un programa di kurso pa siña papiamentu i tambe tokante e norma- i balornan ku ta vigente na Boneiru. Tambe Konseho Insular ta pidi Kolegio Ehekutivo pa huntu ku e programa akí hasi un kampaña di konsientisashon pa loke ta trata importansia di papiamentu komo idioma na nos isla i importansia di nos norma- i balornan. Un otro petishon ta pa Kolegio Ehekutivo hasi e programa akí visibel pa tur hende ku bin biba na Boneiru por mira esaki i keda motivá pa partisipá.
Kondishon pa traha na Boneiru
Pa medio di e moshon akí Konseho Insular ta pidi Kolegio Ehekutivo tambe pa manda korespondensia pa instansianan na Boneiru manera RCN, Fundashon Mariadal, Mental Health Caribbean, Akseso, JICN i otro instansianan pa pone komo kondishon obligatorio ku trahadónan prosedente di otro pais i ku no ta dominá nos idioma papiamentu, mester partisipá na e programa aki. E programa i kampaña aki mester stimulá nos hendenan lokal tambe pa na un manera respetuoso motivá siudadanonan nobo pa partisipá na e programa i tambe pa papia papiamentu ku nan. Ku tempu e programa por ekspandé i no enfoká solamente riba idioma, pero tambe riba músika lokal, gastronomia, fiestanan tradishonal i historia di Boneiru.
FUENTE: FRAKSHON DI MPB
NEDERLANDS:
MOTIE VAN MPB-FRACTIELEIDER HENNYSON THIELMAN:ER MOET EEN INTEGRATIEPROGRAMMA INGESTELD WORDEN VOOR NIEUWE INWONERS MOTIE UNANIEM AANGENOMEN DOOR EILANDSRAAD
Kralendijk,- In een besluitvormende Eilandsraadvergadering op woensdag 10 september 2025 heeft de fractieleider van de MPB Hennyson Thielman een motie ingediend waarin gepleit wordt dat het Bonairiaanse eilandbestuur met een programma komt voor mensen uit het buitenland die nieuw op Bonaire zijn komen wonen en geen Papiamentu praten, zodat zij de gelegenheid krijgen om onze taal te leren en ook over onze normen, waarden en gewoontes.
Deze motie werd unaniem aangenomen. Tijdens zijn presentatie heeft Thielman naar voren gebracht dat de afgelopen Dia di Boneiru-viering veel discussies heeft doen oplaaien over onze normen, waarden en gewoontes. Deze discussies hebben te maken met de explosieve groei van de bevolking van Bonaire in de afgelopen jaren, terwijl de laatste cijfers van de CBS aangeven dat ons eiland nu al 27.000 inwoners telt. Er komen steeds meer en meer nieuwe inwoners naar ons eiland om een bijdrage te leveren en in verschillende sectoren te werken.
Gevaar van verlies van identiteit
In zijn motie brengt Hennyson Thielman ook naar voren dat veel van deze nieuwe inwoners onze taal en onze normen en waarden niet kennen. Tevens wijst hij erop dat Papiamentu de moedertaal is op Bonaire en dat het heel belangrijk is dat deze taal behouden blijft op Bonaire, ondanks de groei van onze bevolking. Verder zegt Thielman dat op het moment dat meer nieuwe inwoners op Bonaire komen wonen, wij het gevaar lopen dat onze normen en waarden steeds minder zichtbaar worden, als wij hier niet de nodige aandacht aan besteden. Bovendien kan opgemerkt worden dat veel van onze jongeren die nu opgroeien, onze normen en waarden niet kennen zoals vroeger.
Integratiecursus en bewustwordingscampagne
Op grond van deze stellingen van Hennyson Thielman, MPB-fractieleider, is de Eilandsraad er unaniem mee akkoord gegaan om het Bestuurscollege aan te sporen om een programma te creëren met cursussen om papiamentu te leren en kennis op te doen van de geldende normen en waarden op Bonaire. Ook vraagt de Eilandsraad aan het Bestuurscollege om samen met dit programma een bewustwordingscampagne te lanceren met betrekking tot het belang van het Papiamentu als taal op ons eiland en het belang van onze normen en waarden. Een ander verzoek aan het Bestuurscollege is om dit programma zichtbaar te maken voor alle mensen die op Bonaire komen wonen, zodat ze gemotiveerd worden om deel te nemen.
Voorwaarde om op Bonaire te kunnen werken
Door middel van deze motie vraagt de Eilandsraad ook aan het Bestuurscollege om een schrijven te richten aan instanties op Bonaire zoals de RCN, Fundashon Mariadal, Mental Health Caribbean, Akseso, JICN en andere instanties om als verplichte voorwaarde te stellen dat werknemers uit andere landen die onze taal niet beheersen, aan dit programma moeten deelnemen. Het programma en de campagne moeten ook onze eigen mensen stimuleren om op een respectvolle manier nieuwe inwoners te motiveren om hieraan deel te nemen en om Papiamentu met hen te praten. Gaandeweg kan dit programma uitgebreid worden en niet alleen meer focussen op de taal, maar ook op onze lokale muziek, gastronomie, traditionele feesten en de Bonairiaanse geschiedenis.
GIPHY App Key not set. Please check settings