BONEIRU TA DEKLARÁ INTENSHON PA BIRA ZONA DI PAS I DEMILITARISÁ

Kralendijk – Dia 10 di September 2025 – Den reunión di Konseho Insular den sala di Passangrahan, Boneiru a deklará su intenshon pa bira un zona di pas i demilitarisá.

E moshon a wordu entrega dor di Sr. Benito Dirksz, líder di frakshon di UPB, i e moshon a haña sosten unánimemente di tur e miembronan di Konseho Insular.

Konseho Insular ta ekspresá su preokupashon tokante e tenshon den Karibe entre Venezuela i Merka. Segun e moshon aprobá, un Boneiru den zona di konflikto por afektá turismo, importashon, i seguridat di su pueblo. Turismo ta un pilar importante di nos ekonomia i situashon ku tenshon por baha e kantidat di bishitantenan.

E Konseho Insular a indiká ku Boneiru no ke partisipá den konfliktonan militè of relashon internashonal tenso. Nos isla ke keda neutral i trankil. Boneiru tin e responsabilidat pa protehá su pueblo, inkluso nos piskadonan, kontra e peligernan aki.

Desishonnan tuma:

1. Boneiru ta deklará su intenshon pa bira un zona di pas, pa protehá su pueblo;

2. Ta pidi Gezaghebber i Kolegio Ehekutivo pa eksplorá e ruta legal i internashonal pa logra esei;

3. Ta urgi pa habri diálogo ku Reino Hulandes riba e deseo di pueblo Boneriano;

4. Ta pidi ku Reino emiti un dekretu real pa deklara Boneiru zona demilitarisá;

5. Ta pidi un reporte pa dia 30 di November 2025 riba e progreso.

E moshon ta menshoná komo ehèmpel, e islanan Åland (Finlandia), Svalbard (Noruega) i regionnan den Tratado di Tlatelolco (Mexico), kaminda pas i desmilitarisashon a bira realidat.

Boneiru ta skohe pa pas. Nos pueblo meresé trankilidat, seguridat i stabilidat.

   

FUENTE: FRAKSHON DI UPB

NEDERLANDS:

BONAIRE VERKLAART INTENTIE OM VREDES- EN GEDEMILITARISEERDE ZONE TE WORDEN

Kralendijk – 10 september 2025 – Tijdens de vergadering van de Eilandsraad in de Passangrahanzaal heeft Bonaire zijn intentie verklaard om een vredes- en gedemilitariseerde zone te worden.

De motie werd ingediend door de heer Benito Dirksz, fractieleider van de UPB, en kreeg unanieme steun van alle leden van de Eilandsraad.

De Eilandsraad sprak zijn zorg uit over de spanningen in het Caribisch gebied tussen Venezuela en de Verenigde Staten. Volgens de aangenomen motie kan een Bonaire binnen een conflictzone negatieve gevolgen ondervinden voor toerisme, import en de veiligheid van zijn bevolking. Toerisme is een belangrijke pijler van onze economie, en spanningen kunnen leiden tot een daling van het aantal bezoekers.

De Eilandsraad gaf aan dat Bonaire niet wil deelnemen aan militaire conflicten of gespannen internationale relaties. Ons eiland wil neutraal en vreedzaam blijven. Bonaire erkent bovendien zijn verantwoordelijkheid om zijn bevolking, inclusief onze vissers, te beschermen tegen deze gevaren.

Besluiten genomen:

1. Bonaire verklaart zijn intentie om een vredeszone te worden, ter bescherming van zijn bevolking;

2. De gezaghebber en het bestuurscollege worden verzocht de juridische en internationale route te verkennen om dit te realiseren;

3. Er wordt aangedrongen op het openen van een dialoog met het Koninkrijk der Nederlanden over de wens van het Bonairiaanse volk;

4. Het Koninkrijk wordt verzocht een koninklijk besluit uit te vaardigen waarin Bonaire tot gedemilitariseerde zone wordt verklaard;

5. Er wordt gevraagd om uiterlijk 30 november 2025 een voortgangsrapport uit te brengen.

In de motie worden als voorbeeld genoemd: de Ålandseilanden (Finland), Svalbard (Noorwegen) en regio’s die onder het Tlatelolco-verdrag (Mexico) vallen, waar vrede en demilitarisering werkelijkheid zijn geworden.

Bonaire kiest voor vrede. Ons volk verdient rust, veiligheid en stabiliteit.