E SAGA DI DIA DI BONAIRE A YEGA SU FINAL.

Diputado Clark a kohe tantu esnan ku a kritiká komo  koalishon kabes abou. Clark a mustra ku nan ta robes i ta hisamentu di bandera tin sin reunion solèm ni diskurso di lidernan di e frakshonnan.

E otro tema pa diskushon ta e desishon impaktante pa Bonaire ku ta e kambionan den WolBes i FinBes. Di 9 pa 11 asiento den konseho insular, fiamentu di kapital ta bai kai bou di regla i kontrol severo, ta bini 4 diputado i no tin kambio den Representashon di Reino.

Ta momentu pa no warda te 2027 pero tur hende mester salta nan sombra i bini ku lista di kandidato ku personanan kalifiká pa alsa nivel di Konseho Insular i Kolegio Ehekutivo.

No por keda ku e sistema antikuá di yena lista. Mester bini madures kon atendé ku otro  sin keda tira falta, zundra, rabia, sapatia i bini ku atakenan personal.

Loke a kondusí na retiru di dos diputado, reunion di 14 di ougùstùs turbulento, reunion tokante selebrashon di dia di Bonaire i e kos imposibel di aña parlamentario, ta mustra ku mester bini kambio. Poblashon ta kresiendo rápido ku ta trese retonan grandi ku mester atendé ku vishon.

Clark, James i Hennyson tin e obligashon pa sinta huntu i palabrá ku ta legumai asuntunan di rotònde, klechi i tènt. Nos tur tin di evitá ku Hulanda ta intervení pa motibu ku e kambionan den WolBes, FinBes ta un señal fuerte di Hulanda ku no ta tolerá burla di reglanan di Bon Gobernashon.

Ya tin partido ku ke pa BES integrá den Hulanda, representashon den Tweede Kamer, i representante na Hulanda. Ban kuminsá pensa i diskutí manera hende konforme nos himno.

Polarisashon lo keda pero sano huisio pa partisipashon semper ta sali viktorioso.

FUENTE: ARTHUR SEALY/LIVE99FM