TARINA SERAUS A RESULTÁ MISS TEEN KULTURA 2025

Djasabra ultímo, den kura di kunuku Allee, a tuma luga e di 3 edishon Miss Teen Kultura by BIATA Foundation, kual a resulta un éksito un bes mas.

E meta di e evento aki ta pa stimulá i eduká e kantidatanan ku konosementu di platonan krioyo Boneriano.

E atardi a kuminsa unda tur kandidata huntu ku nan ekipo a dekorá nan stènt di kuminda ku hopi entusiasmo. E programa a start ku un bon biní di parti presidente di BIATA, siguí pa nos himno, presentashon di huradonan, pa despues deseá tur kantidata exito, tambe invita bishitantenan pa pasa admira i kopera na e diferente stént nan.

Un evento bon bishita, kaminda pueblo a sostene e kandidatanan ku nan rekoudashon di fondo pa medio di kumpra algu serka kada unu di nan.

Durante e evento huradonan  a kana rònt pasa na tur stènt hiba un entrevista kòrtiku ku e kantidatanan i despues a purba tur e platonan.

Kada plato tabata bunita presentá, yená ku e toke di fantasia i e sabor krioyo Boneriano.

Mas den final di e anochi,kantidatanan a presenta un diskurso kultural na e publiko presente .

Despues di presentashonnan, huradonan a bai dialogá i a yega na e desishon final unda Miss Teen Playa Pariba,Tarina Seraus, a keda  titulá Miss Teen Kultura 2025.

Srta. Myangelica Gustwoski, Miss Teen Kultura Boneiru 2023 a hasi entrega di su lint, i su trofeo a ser entregá for di man di Sra. Anette Magaly Sumter,representante di fundashon BIATA.

Shandelus Rosa, Miss Teen Rincon, a resulta promé finalista, i Alexa Peiliker, Miss Teen Playa Pabou, a keda na di segundo finalista.

Fundashon BIATA kier a felisita tur partisipante pa nan gran esfuerso hasí i nan partisipashon.

Nos por mira bèk riba nos di dos evento  eksitoso rondó di e proyekto Miss Teen Bonaire 2025.

Ku bista figá riba e gran show final 27 di sèptèmber proksimo, nos ta gradisi i pidi pueblo di Boneiru, pa sigi sostene  nos proyektonan.

FUENTE: BIATA/LIVE99FM