ANTHONY WEBER I PETER SILBERIE A HURAMENTÁ KOMO DIPUTADONAN NOBO DI BONEIRU

Kralendijk – Durante un reunion spesial di Konseho Insular dia 14 di ougùstùs 2025, sr Anthony Weber di Frakshon M21 i sr Peter Silberie di Frakshon Vrolijk, a huramentá ofishalmente komo diputado pa Boneiru.

Ku nombramentu di e diputadonan nobo, Kolegio Ehekutivo ta kompletu atrobe i e supstitushon (indeplaatstreding) di parti di gezaghèber ta terminá.

Ku retiro di dos diputado dia 26 di ougùstùs 2025, konforme artíkulo 54 insiso 2 di Lei Entidatnan Públiko BES (WolBES), gezaghèber a supstituí Kolegio Ehekutivo. E supstitushon akí ta reglá den lei pa garantisá kontinuidat di gobernashon.

Den e simannan tras di lomba, gezaghèber ku sosten di e diputado ku tabata den funshon ainda i e sekretario insular, a kumpli ku e tareanan di Kolegio Ehekutivo. Den e periodo akí gezaghèber a tuma desishonnan pa loke ta trata ‘filenan’ di maneho, kaminda no tabata pèrmití pa surgi retraso.

Ku huramentashon di dos diputado nobo pa Boneiru, Weber i Selberie, e supstitushon di gezaghèber ta terminá. Kolegio Ehekutivo ta konsistí atrobe di tres diputado insular i un gezaghèber.

Gezaghèber ta traspasá e responsabilidat pa gobernashon di nos isla pa e Kolegio Ehekutivo kompletu atrobe.

Repartishon di kartera:

Dia 15 di ougùstùs, durante e promé reunion di e Kolegio Ehekutivo nobo, e miembronan a palabrá un repartishon di kartera.

E repartishon di kartera di Kolegio Ehekutivo ta komo lo siguiente:

Diputado Anthony Weber Ta duna guia na: Direktorado di Maneho i Sosten

Responsabel pa áreanan di maneho manera:

• Finansa di gobièrnu i Impuesto
• Asuntunan Intergubernamental i Regional
• Bienestar di animal
• Ekonomia, Empresariado i Turismo Sostenibel

Diputado Peter Silberie Ta duna guia na: Direktorado di Komunidat i Kuido

Responsabel pa áreanan di maneho manera:

• Edukashon di Alohamentu di Enseñansa
• Deporte i Rekreashon
• Arte i Kultura
• Salubridat Públiko

Diputado Clark Abraham Ta duna guia na: Direktorado di Planifikashon i Desaroyo; Direktorado di Supervishon i Mantenshon di Lei Responsabel pa áreanan di maneho manera:

• Ordenamentu Teritorial, Planifikashon i Kalidat di Konstrukshon
• Infrastruktura i Maneho di Awa
• Asuntunan Agríkola, Piskamentu i Siguridat di Kuminda
• Naturalesa, Medio Ambiente i Rekuperashon Ekológiko

Gezaghèber Soliano ta presidente di Konseho Insular, presidente di Kolegio Ehekutivo i presidente di Reunion General di Akshonista.

Responsabel pa áreanan di maneho manera:

• Bon gobernashon
• Órden Públiko i Siguridat
• Maneho di Krísis

Despues di e huramentashon ofisial, den presensia di nan famianan i hopi invitado, ámbos diputado nobo a ekspresá nan gratitut i nan ambishonnan.

Dhr. Weber: “Mi ta kla pa traha pa boso i tambe huntu ku boso. Pueblo di Boneiru, masha danki, ta un gran honor pa ta boso diputado.”

Dhr. Silberie: “Mi ta primintí ku den e temporada kòrtiku akí nos lo hasi nos máksimo esfuerso, konhuntamente ku henter Konseho Insular pa nos traha pa Boneiru.”

Konseho Insular a ekspresá su apresio pa e diputadonan nobo i a deseá nan hopi éksito den e periodo binidero. Pa un bista general kompleto di tur e áreanan di maneho i responsabilidatnan, bo por sigui e lenk akí: https://bonairegov.com/pa/bestuur-organisatie/kolegio-ehekutivo.  

FUENTE: OLB/LIVE99FM

NEDERLANDS:  

ANTHONY WEBER EN PETER SILBERIE BEËDIGD ALS NIEUWE GEDEPUTEERDEN VAN BONAIRE

Kralendijk –Tijdens een extra raadsvergadering op donderdag 14 augustus 2025 zijn dhr. Anthony Weber, namens de fractie M21, en dhr. Peter Silberie, namens de fractie Vrolijk, officieel beëdigd als eilandgedeputeerden van Bonaire.

Met het aantreden van de nieuwe gedeputeerden is het bestuurscollege weer compleet en vervalt de ‘indeplaatstreding’ van de gezaghebber.

Met het ontslag van twee gedeputeerden op 26 juli 2025 is de gezaghebber van Bonaire, conform artikel 54 lid 2 van de Wet Openbare Lichamen BES (WolBES), in de plaats getreden van het bestuurscollege.

Deze indeplaatstreding is in de wet geregeld om de continuïteit van het bestuur te garanderen. In de afgelopen weken werkte de gezaghebber, samen met de enige overgebleven gedeputeerde en de eilandsecretaris, aan de voortzetting van het bestuur en het nemen van noodzakelijke beslissingen op beleidsdossiers waar geen vertraging mogelijk was.

Met de beëdiging van de twee nieuwe gedeputeerden, Weber en Silberie, komt er een einde aan de tijdelijke ‘indeplaatstreding’ door de gezaghebber. Het bestuurscollege bestaat nu weer uit drie eilandgedeputeerden en de gezaghebber. De gezaghebber draagt de verantwoordelijkheid voor het eilandbestuur weer over aan het voltallige bestuurscollege.

Portefeuille-verdeling:
Op 15 augustus, tijdens de eerste vergadering van het nieuwe bestuurscollege, hebben de leden een portefeuilleverdeling afgesproken.

De portefeuilleverdeling van het bestuurscollege is als volgt:

Gedeputeerde Anthony Weber geeft aansturing aan: Directie Bedrijfsvoering & Ondersteuning.

Verantwoordelijk voor beleidsdomeinen zoals:

• Overheidsfinanciën & Belastingen
  • Interbestuurlijke & Regionale Aangelegenheden
  • Dierenwelzijn
  • Economie, Ondernemerschap & Duurzaam Toerisme

Gedeputeerde Peter Silberie geeft aansturing aan: Directie Samenleving & Zorg

Verantwoordelijk voor beleidsdomeinen zoals:

• Educatie & Onderwijshuisvesting
  • Sport & Recreatie
  • Kunst & Cultuur
  • Publieke Gezondheidszorg

Gedeputeerde Clark Abraham geeft aansturing aan: Directie Ruimte & Ontwikkeling en Directie Toezicht & Handhaving.

Verantwoordelijk voor beleidsdomeinen zoals:

• Ruimtelijke Ordening, Planning & Welstand
• Infrastructuur & Watermanagement
• Agrarische Zaken, Visserij & Voedselzekerheid
• Natuur, Milieu & Ecologisch Herstel

Gezaghebber Soliano is voorzitter van de Eilandsraad, voorzitter van het Bestuurscollege en voorzitter van de Algemene Vergadering van Aandeelhouders

Verantwoordelijk voor beleidsdomeinen zoals:

• Goed Bestuur
• Openbare Orde en Veiligheid
• Crisisbeheer & Rampenbestrijding

Na de officiële beëdiging, in aanwezigheid van hun families en vele genodigden, spraken beide nieuwe gedeputeerden hun dank en ambities uit.

Dhr. Weber: “Ik sta klaar om voor jullie te werken en ook samen met jullie. Inwoners van Bonaire, heel erg bedankt, het is voor mij een eer om jullie gedeputeerde te zijn

Dhr. Silberie: “Ik beloof dat wij in deze korte periode ons maximaal gaan inzetten, om samen met de gehele Eilandsraad voor Bonaire te werken.”

De eilandsraad sprak haar waardering uit voor de nieuwe gedeputeerden en wenste hen veel succes in de komende periode. Voor een volledig overzicht van alle beleidsdomeinen en verantwoordelijkheden kunt u deze link volgen: https://bonairegov.com/bestuur-organisatie/bestuurscollege