Redakshon
Kralendijk – Entidat Públiko Boneiru ta lamentá profundamente ku nan a hòrta e banderanan ku gobièrnu a pone na diferente rotònde na honor di Dia di Boneiru 2025.
Propósito di e banderanan akí tabata pa nan para komo símbolo di orguyo, unidat i rèspèt pa nos isla i nos komunidat.
“Esaki no ta djis kestion di kue un pida paña bai kuné. Ta trata akí di hòrtamentu di un símbolo ku ta konektá nos tur. E akto akí ta un falta di rèspèt kontra Boneiru, kontra nos kultura i kontra nos dia di fiesta,’ segun Entidat Públiko Boneiru.
Ponementu di bandera ta forma parti di e preparashonnan anual pa Dia di Boneiru, nos dia di solidaridat i selebrashon di nos identidat. E echo ku intenshonalmente a kita e banderanan akí, ta afektá nos komunidat profundamente.
Na nòmber di Entidat Públiko Boneiru, sekretario insular Christopher Frans mesora a hasi denunsia na polis. Banda di esaki Entidat Públiko Boneiru ta hasi un yamada urgente riba tur hende ku tin informashon tokante e ladronisia akí, pa méldu na polis.
‘Laga nos demostrá ku nos komo komunidat no ta pèrmití ku komportashon sin rèspèt ta mina nos dia di fiesta i nos sentido di solidaridat.’
FUENTE: OLB/LIVE99FM
NEDERLANDS:
DIEFSTAL VAN VLAGGEN VOOR DIA DI BONEIRU OP DE ROTONDE: EEN RESPECTLOZE DAAD TEGEN ONS EILAND
Kralendijk – Het Openbaar Lichaam Bonaire (OLB) betreurt het ten zeerste dat de vlaggen die zijn opgehangen ter ere van Dia di Boneiru 2025 op diverse rotondes, zijn gestolen.
Deze vlaggen waren bedoeld als symbool van trots, eenheid en respect voor ons eiland en onze gemeenschap.
“Dit is niet zomaar het wegnemen van een stuk stof. Het is het wegnemen van een symbool dat ons allemaal verbindt. Deze daad is respectloos tegenover Bonaire, onze cultuur en onze feestdag,” aldus het OLB.
Het plaatsen van de vlaggen maakt deel uit van de jaarlijkse voorbereidingen op Dia di Boneiru, onze dag van saamhorigheid en viering van onze identiteit. Het feit dat deze vlaggen moedwillig zijn verwijderd, raakt de gemeenschap diep.
Eilandsecretaris Christopher Frans heeft namens het OLB direct aangifte gedaan bij de politie. Het OLB doet daarnaast een dringend beroep op iedereen die informatie heeft over deze diefstal, om zich te melden bij de politie.
“Laten we laten zien dat wij als gemeenschap niet toestaan dat respectloos gedrag onze feestdag en ons gevoel van saamhorigheid ondermijnt.”
https://shorturl.fm/nPjou