DIPUTADO ABRAHAM INVOLUKRÁ DEN DIL DI TERENO KU SU PROPIO FAMIA – BENTA RIBA BALOR DI MERKADO 

Kralendijk,- Frakshon di Movementu di Pueblo Boneriano (MPB) ta eksigí transparensia kompleto di Kolegio Ehekutivo tokante kompra di e parsela di tereno di 30.200 m² na Santa Clara.

Segun partido MPB e kompra a tuma lugá sin informashon previo na òf enbolbimentu di Konseho Insular, loke ta lanta preguntanan serio tokante transparensia i integridat di e proseso di toma di desishon.

For di informashonnan públiko ta resultá ku e tereno tabata na benta pa USD 395.000, miéntras ku Kolegio Ehekutivo a disidí pa paga USD 450.000 – loke ta mas tantu ku e preis ku a pidi. Loke ta kondusí na preokupashon adishonal di MPB, ta e echo ku a resultá ku e bendedó ta famia Abraham, famia direkto di un diputado den funshon.

“E desishon akí ta ineksplikabel i inakseptabel,” segun frakshon di MPB. “Un kompra riba balor di merkado, for di miembronan di famia di un diputado, sin ningun enbolbimentu di Konseho Insular – esaki ta mina pueblo su konfiansa den gobernashon hustu i transparente. Mester investigá esaki profundamente.”

MPB ta mustra ku no a presentá ningun plan di desaroyo pa Santa Clara, miéntras ku ya kaba Entidat Públiko Boneiru tin diferente pida tereno grandi den su poseshon. Banda di esaki, e Maneho di Tereno ku a keda aprobá na aña 2022 ta stipulá ku ta pèrmití pa Entidat Públiko Boneiru kumpra tereno, solamente ora tin kestion di un interes sosial komprobabel, i ku mester enbolbí Konseho Insular ku e tipo di desishonnan akí. 

“Nos ta teme ku akí tin kestion di surpaso di outoridat i un posibel violashon di normanan di integridat,’ segun e frakshon. “Asta un aparensia di konflikto di interes ta dañino. Nos komunidat boneriano meresé transparensia i responsabilisashon kompleto.” 

MPB a entregá un petishon formal pa publiká tur informashon al respekto i hasi nan aksesibel pa tur hende, i ta eksigí ku dentro di sinku dia di trabou Kolegio Ehekutivo ta entregá tur dokumento

relevante, entre otro:

• e akuerdo di kompra kompleto;

• rapòrtnan di ‘taxatie’ i stipulashon di balor;

• e dekreto atministrativo ofisial i tur konseho konserní;

• korespondensia entre gobiérnu, mákelar, konseheronan i doñonan;

• hustifikashon finansiero i stratégiko di e kompra;

• eventual dokumentunan tokante notifikashonnan òf evaluashonnan di konflikto di interes.

“Esaki no ta bai tokante solamente ún transakshon,” asina MPB ta konkluí. “Esaki ta bai tokante konfiansa den atministrashon públiko.

Pueblo tin derecho di sa dikon a tuma e desishon akí, ken ta esunnan ku tabata enbolbí, i si a aktua na un manera kuidadoso i íntegro. Transparensia no ta un fabor, pero un deber di un gobièrnu enfrente su siudadanonan.”

FUENTE: MPB

NEDERLANDS:

GEDEPUTEERDE ABRAHAM BETROKKEN BIJ GRONDDEAL MET EIGEN FAMILIE – AANKOOP BOVEN MARKTWAARDE 

Kralendijk,- De fractie van Movementu di Pueblo Boneriano (MPB) eist volledige openheid van het Bestuurscollege over de aankoop van een perceel grond van 30.200 m² in Santa Clara.

Volgens de partij is de aankoop gedaan zonder voorafgaande informatie aan of betrokkenheid van de Eilandsraad, wat ernstige vragen oproept over de transparantie en integriteit van het besluitvormingsproces.

Uit openbare gegevens blijkt dat het terrein te koop stond voor USD 395.000, terwijl het Bestuurscollege besloot USD 450.000 te betalen – boven de vraagprijs. Tot extra zorg van de MPB blijkt de verkopende partij de familie Abraham te zijn, directe familie van een zittend gedeputeerde.

“Dit besluit is onverklaarbaar en onaanvaardbaar,” aldus de MPB-fractie. “Een aankoop boven de marktwaarde, van familieleden van een gedeputeerde, zonder enige betrokkenheid van de Eilandsraad – dat ondermijnt het vertrouwen van de bevolking in een eerlijk en transparant bestuur. Dit moet tot op de bodem worden onderzocht.”

De MPB wijst erop dat geen enkel ontwikkelingsplan voor Santa Clara is gepresenteerd, terwijl het OLB al aanzienlijke stukken grond in het gebied bezit. Daarnaast bepaalt het in 2022 vastgestelde Grondbeleid dat het OLB alleen gronden mag aankopen als er sprake is van een aantoonbaar maatschappelijk belang, en dat de Eilandsraad bij zulke besluiten moet worden betrokken.

“Wij vrezen dat hier sprake is van een overschrijding van bevoegdheden en een mogelijke schending van integriteitsnormen,” zegt de fractie. “Zelfs de schijn van belangenverstrengeling is schadelijk. De Bonairiaanse gemeenschap verdient volledige openheid en verantwoording.”

De MPB heeft een formeel verzoek tot openbaarmaking ingediend en eist dat het Bestuurscollege binnen vijf werkdagen alle relevante documenten overlegt, waaronder:

• de volledige koopovereenkomst;

• taxatierapporten en waardebepalingen;

• het officiële bestuursbesluit en alle onderliggende adviezen;

• correspondentie tussen bestuur, makelaar, adviseurs en eigenaren;

• de financiële en strategische onderbouwing van de aankoop;

• eventuele documenten over meldingen of beoordelingen van belangenverstrengeling.

“Dit gaat niet alleen over één transactie,” besluit de MPB. “Dit gaat over vertrouwen in het openbaar bestuur. De bevolking heeft recht om te weten waarom dit besluit is genomen, wie erbij betrokken waren, en of er zorgvuldig en integer is gehandeld.

Transparantie is geen gunst, maar een plicht van de overheid tegenover haar burgers.”