HIMNO DI BONAIRE TA KUMINSÁ KU “TERA DI SOLO I SUAVE BIENTU” E PALABRA TERA TA REFERÍ NA E PLANETA RIBA KUA BONAIRE TA I TA PAPIA TAMBE DI MUNDU.

Kralendijk,- David van Reybrouck su ponensia ta ku mundu ta loke ta pasa riba e tera ku  ta e sistema di maneho polítika. Tera ta kimando na Ukraina, Gaza, Iran, Israel.

Tera tin tambe kambio di klima, temperatura ta subi, tin polushon riba tera, den aire i laman. Tin sekura, áwaseru fuerte, na sierto parti tin skarsedat di awa.

Bonaire tambe tin diferente foko di kandela bou di tera na lèntfil i ta trahando duru pa paga nan. Na mundu mes tin foko di kandela i a tuma reglanan severo pa kombatí grupo i barionan di riesgo.

E barionan a bira kampo pa interná e gruponan di riesgo bou di vigilansia di polis i Kmar ku demostrashon di poder pa rebibá kon na Bonaire a interná durante di dos guera mundial personanan ku a simpatisá ku Adolf Hitler. Historia ta ripití pero distinto.

Polítika ku tur su instansianan sosial a faya barbaramente pa a trese solushon netamente pa e grupo i barionan. Mas tristu ta ku nan ta sali liber i ta tira tur falta riba mayor, skol i kresementu di poblashon. Konsehal i miembronan di Kolegio Ehekutivo ta sigui krea mas foko di kandela i no ta skucha bos di aktivistanan, di abitantenan di Lagun, di piskadónan, di lokutornan na radio i televishon, di iglesia i komentaristanan ku sí ta kere den balornan manera derecho humano, hustisia, sinseridat i honestidat na un Bonaire sigur i sosial. Boso drumi dushi i soña di boso viktoria, gloria i poder kon a dividí komunidat..

FUENTE: ARTHUR SEALY/LIVE99FM