KRALENDIJK- Fundashon Wega di Number Bonaire (FWNB) entrante 30 di desèmber 2024 ta para benta di Zodiac.
FWNB a introdusí Zodiac na 2015 pa ofresé klientenan ku ta kumpra number, mas variashon.
Zodiac ta un wega di number kombiná ku un signo di zodiac. Por a forma kombinashonnan di number di 4 (kuater) sifra entre 0000 i 9999 plùs un signo di Zodiak. Por a kumpra entre mínimo US $1.50 pa pida te máksimo US $ 15.
Despues di 9 aña ainda e benta di Zodiac no ta satisfaktorio. Pa e motibu aki FWNB a yega na e desishon pa stòp ku benta di Zodiac.
Dia 29 di desèmber e último sorteo di Zodiac lo tuma lugá. Entrante 30 di desèmber 2024 lo no bende Zodiac mas. Na lugá di Zodiac FWNB ta bai introdusí 2 otro wega. Lo divulgá tur informashon relatá na e 2 weganan nobo na komienso di aña 2025.
FUENTE: FWNB/IVE99FM

GIPHY App Key not set. Please check settings