TRAHA HUNTU RIBA PATRIMONIO DI BONEIRU: ENKUENTRO TOKANTE MUSEO I ARCHIVO DEN KUADRO DI PASADO DI SKLABITUT.

Kralendijk – Dia 12 di desèmber 2024 representantenan for di e sektor kultural na Boneiru a bini huntu pa papia ku organisashonnan sosial tokante futuro di e patrimonio lokal ku tin di haber ku pasado di sklabitut.

Durante e enkuentro a deliberá tokante pasonan importante pa mehorashon di museo i archivo. E enkuentro ta parti di un plan mas grandi pa atendé den un forma mas duradero ku e pasado kompartí i ku kultura. Di e manera akí ta trahando riba un agènda di akshon. Esaki ta nesesario pa risibí sèn for di Hulanda den kuadro di konmemorashon di pasado di sklabitut. SKAL, Plataforma NGO Boneiru i e Komishon di Konmemorashon, Impakto i Futuro a organisá e enkuentro akí. 

Durante e enkuentro a papia tokante temanan manera fortifikashon di museo, engrandesimentu di orguyo kultural i edukashon, i tambe tokante desaroyo di preskripshonnan lokal riba tereno di e tema akí. A papia tambe tokante digitalisashon, profeshonalisashon i kolaborashon ku otro islanan i institutonan.

Tur esaki ta importante pa prepará e sektor di patrimonio bon pa futuro. Pa e motibu akí a menshoná tambe ku un enbolbimentu amplio di komunidat ta hopi importante i otro aña ta bini momentunan èkstra kaminda ta enbolbí mas habitante i hóben. Di e manera akí e proseso akí ta den signo di ko-kreashon i kolekshonamentu di konosementu balioso for di henter komunidat. Ku e aporte di e enkuentronan ta traha un vershon den forma di konsepto di un agènda di akshon. Den kurso di aña 2025 ta elaborá e agènda di akshon akí mas aleu.

Na aña 2022 gobièrnu hulandes a ofresé su diskulpa pa su enbolbimentu ku pasado di sklabitut. Tambe gabinete hulandes den su reakshon riba e rapòrt ‘Ketenen van het Verleden – Kadena di Pasado’ a primintí di pone sèn disponibel den kuadro di e tema akí. Pa e motibu akí a reservá 33,3 mion euro pa e parti karibense di Reino. Ku e sèn akí entre otro tin ku fortifiká infrastruktura di e museonan i mester hasi archivonan históriko mas aksesibel. Pa por hasi uso di e medionan akí, e islanan, Boneiru tambe, pa mas tardá 30 di yüni 2025 mester entregá un agènda di akshon. Den e agènda di akshon mester tin un deskripshon di e plannan i tambe un bista general di e gastunan pa ehekutá esakinan.

Huntu nos ta traha riba un sektor di patrimonio na Boneiru ku ta duna balor na pasado i ku ta inspirá pa futuro!    

FUENTE: OLB/LIVE99FM

SAMEN BOUWEN AAN ERFGOED OP BONAIRE: BIJEENKOMST OVER MUSEA EN ARCHIEVEN IN HET KADER VAN HET SLAVERNIJVERLEDEN

Kralendijk – Op 12 december 2024 kwamen vertegenwoordigers uit de culturele sector op Bonaire samen met maatschappelijke organisaties om te praten over de toekomst van lokaal erfgoed dat te maken heeft met het slavernij verleden.

Tijdens de bijeenkomst zijn belangrijke stappen besproken voor het verbeteren van musea en archieven. De bijeenkomst is onderdeel van een groter plan om duurzaam om te gaan met het gedeelde verleden en de cultuur. Op deze manier wordt gewerkt aan een actieagenda. Deze is nodig om in het kader van het herdenken van het slavernijverleden geld te het ontvangen vanuit Nederland. De bijeenkomst werd georganiseerd door SKAL, NGO Platform Bonaire en het Comité Herdenking, Doorwerking en Toekomst (HDT).

Tijdens de bijeenkomst zijn thema’s besproken zoals het versterken van musea, het vergroten van culturele trots en educatie, en ook het ontwikkelen van lokale voorschriften op het gebied van dit thema. Ook is er gesproken over digitalisering, professionalisering en het samenwerken met andere eilanden en instellingen.

Dit alles is belangrijk om de erfgoedsector goed voor te bereiden op de toekomst. Daarom is ook genoemd dat brede betrokkenheid van de gemeenschap erg belangrijk is en komen er volgend jaar extra momenten waarbij meer bewoners en jongeren worden betrokken. Zo staat dit proces in het teken van co-creatie en het verzamelen van waardevolle inzichten uit de hele samenleving. Met de input van deze bijeenkomsten wordt een conceptversie van een actieagenda gemaakt. Deze actieagenda wordt in de verloop van 2025 verder uitgewerkt.

De Nederlandse overheid heeft in 2022 haar excuses aangeboden voor haar betrekkingen bij het slavernijverleden. Ook heeft het kabinet in reactie op het rapport Ketenen van het Verleden toegezegd geld beschikbaar te stellen in het kader van dit thema. Voor het Caribisch deel van het Koninkrijk is daarom €33,3 miljoen gereserveerd.

Met dit geld moet onder andere de infrastructuur van musea worden versterkt en moeten historische archieven toegankelijker worden gemaakt. Om gebruik te maken van deze middelen, moeten de eilanden, zo ook Bonaire, uiterlijk 30 juni 2025 een actieagenda inleveren. In de actieagenda moet een beschrijving staan van de plannen en ook een overzicht van de kosten om deze uit te voeren.

Samen wordt er gewerkt aan een erfgoedsector op Bonaire die recht doet aan het verleden en inspireert voor de toekomst!