KARA DI FLAMINGO.

KRALENDIJK—Pasku di nasementu Rei di universo ta na kaminda, poko despues, mundu ta drei den un aña nobo. Turista i esnan lokal ku ta deseá pa wak flamingo na e área kustumbrá, manera ta riba potrèt, asina e situashon ta awendia.

Polis no ta mir’e, pió gobièrnu te pa esnan di TCB. Esaki ta e realidat djaweps 19 di desèmber 2024, 7or di mainta na Boneiru.

Esaki no ta bèrgwensa, sino un nivel di bida nobo, ku poko poko pero sigur ta hañando su forma na Boneiru. Un siudadano a pidi pa pasa wak e situashon i skirbi fuerte den direkshon di esnan ku tin Boneiru na pechu, ku tambe tin outoridat na nan disposishon pa aktivá den tipo di situashon manera esaki. No ta algu ku a sosodé awe, sino mas ku un siman e loke por mira riba potrèt, ta na e sitio. Patras di e stulnan ku tin bentá na e sitio, por mira nos bunita flamingonan, den naturalesa.

Pues e loke ku tin benta dos meter kantu di kaminda na e sitio, ta representá kara di e área kaminda tin flamingo.  

FUENTE: FITTIPALDI PIETERSZ/LIVE99FM