R&O DEN AKSHON: ATENDEMENTU KU I MANTENSHON DI NOS KAMINDANAN

Kralendijk ,- Na luna di yüli 2024 entidat públiko Boneiru a duna un aktualisashon di kada 6 luna di e trabounan planiá pa loke ta trata mantenshon di nos kamindanan.

Ku fin di aña aserkando, un biaha mas entidat públiko Boneiru ta duna informashon di e trabounan di infrastruktura ku a keda ehekutá kaba i esunnan ku ta planiá. E presupuesto ku tabata disponibel pa aña 2024 a keda usá den su totalidat. Na aña 2024 en total a otorgá pa un suma di mas òf ménos 11,4 mion dòler na trabou.

Mantenshon di kaminda di asfalt

A hasi vários trabou di mantenshon na e kamindanan di asfalt. Kaminda tabata posibel a sera e burakunan di mas urgente. “Aunke e medida di mantenshon aki no ta kuadra kompletamente ku mi vishon di un aserkamentu efektivo, ta apliká esaki pa motibu di e mantenshon struktural atrasá na nos kamindanan. Ku esaki awor aki nos ta ofresé un alivio, miéntras via proyektonan mas grandi nos ta invertí den un mehorashon duradero di e kamindanan”, segun diputado Anjelica Cicilia.

Proyektonan di rekonstrukshon

Proyektonan di rekonstrukshon ku a finalisá na aña 2024 ta entre otro:

Kaya Luna, Kaya Solo, Kaya Strea, Kaya Venus

Kaya Felipe Clarinda, Kaya Haarlem, Kaya Den Haag

Kaya Londres, Kaya Cyprus, Kaya Slovenia

Kaya Rita

Kaya Rubi, Kaya Amatista (finalisando)

Kaya J.E. Nicolaas

E proyektonan menshoná aki ta representá un invershon total di mas òf ménos $5,2 mion den nos kamindanan, loke ta resultá den mas òf ménos 3,7 kilometer di kaminda renobá.

Proyektonan grandi pa kua a duna trabou na aña 2024, ta entre otro:

• Tanki di Matrimonio: ta kuminsá ku e trabounan den bario di Tanki di Matrimonio. Aki e énfasis ta riba fundeshi i desagwe di e área. Seguidamente ta bai pone klenku;
• Kaya Tre i bisindario: ta atendé ku desagwe di e área. Seguidamente ta pone klenku den e kayanan. Ta trata aki spesífikamente di Kaya Tre, Kaya Drùm i Kaya Bongo;
• Konektá Kaya Apelsina i Kaya Papaya ku Kaya M. Pourier: e proyekto aki ta den ehekushon kaba. Ta atendé ku e problemátika di desagwe rònt di e kayanan aki. Tambe ta pone klenku inkluso asera den e kaya;
• Reparashon di sierto partinan di kamindanan di asfalt: tin sierto partinan di Kaminda di Rincon ku tin mester di mantenshon èkstra. Den e periodo binidero ta bai drecha e partinan aki pa medio di kita e fundeshi i pone rant nobo di betòn, pone klenku kantu di kaminda i un kapa di asfalt nobo riba e kaminda;
• Kaya Proud: Asfaltamentu di Kaya Proud lo tuma lugá pa medio di un kontrato estilo Design & Build (D&B), kaminda responsabilidat pa tantu diseño komo ehekushon di e proyekto ta serka e kontratista. Mirando ku destahonan estilo D&B ta un método nobo pa Direktorado di Planifikashon i Desaroyo i e kontratistanan na Boneiru, e aspekto hurídiko ta un parti esensial di e prosedura di destaho. E destaho pa esaki lo tuma lugá na kuminsamentu di aña 2025.

Lo reanudá e trabounan menshoná aki despues di fakansi di e sektor di konstrukshon i pa un gran parti nan lo keda finalisá den e promé kuartal di aña 2025. Ku e proyektonan aki nos ta invertí en total mas òf ménos $3,8 mion den nos kamindanan, loke ta resultá den mas òf ménos 4,6 kilometer di kaminda renobá.

Trabou di mantenshon na roi i dam

Durante e mantenshon atrasá grandi na damnan riba nos isla, a atendé ku en total 20 dam den luna di ougùstùs i sèptèmber. Ta trata di e siguiente sistemanan di dam: 

Dam di Gurubu (1/3)	Dam Flor di Cuba + Yato Bako
Dam di Gurubu (2/3)	Dam Buchi Morillo
Dam di Gurubu (3/3) rònt pos	Dam Magazina di Rei
Dam Mona Pasashi	Dam di Shon Aleu
Dam Doei Piar	Dam Tanki Bentura
Dam Hanchi Amboina	Dam di Paulus (Rincon)
Sistema di dam banda di Santana	Dam di Vèlt Pariba (Rincon)
Dam F.C.B.	Dam di Mexico
Dam Bará di Karta	Sistema di dam S.G.B. i Kaya Gavilan
Dam di Roos	Dam di Yato Bako

Ku e dam di Onima por ehèmpel a atendé ekstensamente, i aktualmente nan ta trahando riba restorashon di e bordonan natural eksistente, di manera ku por warda e awa den un forma mas mihó. Relashoná ku e temporada di áwaseru pa aña 2024 a hasi mantenshon grandi tambe na e roinan vital di desagwe riba nos isla. Ta trata aki di e siguiente sistemanan di roi:

Playa

Roi Kaya Industria (Bonaco)

Roi Betico Croes te ku rotònde Bonaco

Roi Kaya International

Un parti di e roi rònt di e edifisio di SSO

Roi Kaya Hermandat

Roi rònt di Stadion di Playa

Roi EEG boulevard (Te Amo)

Roi Kaya Nikiboko Nort

Roi Amboina

Roi Kaya Korona/Hanchi Amboina

Roi banda di Garage Cordia

Roi Kaya Maria C. Hellmund

Roi rònt di Van den Tweel

Roi Kaya Industria Pariba

E sistemanan di roi na Rincon den e di dos kuartal a haña mantenshon kompleto.

Trabou di mantenshon na e sistemanan di desagwe

Den e di tres i e di kuater kuartal di aña 2024 a dediká hopi atenshon na mantenshon di e sistemanan di desagwe na nos isla. A hasi reparashon urgente na konstrukshonnan di ingenieria hidróuliko i na vários sitio a solushoná problema di desagwe. A atendé ku e siguiente áreanan ku ta sensibel pa desagwe i ku durante temporada di áwaseru tur aña tabata okashoná keho i notifikashon:

• Kaya International na altura di Port Bonaire;
• Krusada Kaya Sirena/Kaya America;
• Krusada Kaya Antonio Neuman;
• Kaya Gobernador N. Debrot (na altura di Bamboe Bali);
• Kaya Gobernador N. Debrot (Kaya Antonio Neuman te ku Parke Tului);
• Sistema di desagwe Kaya J.E. Nicolaas te ku un parti di Kaya Prinsès Marie.

Konstrukshonnan di desagwe

Ehekushon di diferente trabou di ingenieria sivil riba tereno di mantenshon i tambe e trabounan di rekonstrukshon di nos kamindanan, a kondusí na remplaso di vários labadó. Esaki pa salbaguardiá siguridat, fluho di tráfiko i fluho di awa di yobida. A ehekutá trabou di rekonstrukshon den Kaya Sabana, Kaya Boneiru, Kaya Amsterdam i Kaya Maria C. Hellmund.

Trabou di kapplug

Den e di dos kuartal di e aña aki a kuminsá ku un trayekto pa revisá i optimalisá maneho i mantenshon di vegetashon. Den e kuadro aki a lansa un proyekto piloto, ku a keda finalisá eksitosamente i ku a duna resultadonan balioso.

E resultadonan ku a logra ta forma e base pa stipulashon di un manual nobo pa manehá strukturalmente ku vegetashon i pa fortifiká e struktura di mantenshon i hasi esaki mas efektivo. Ku esaki no solamente ta garantisá kontinuidat, pero tambe e kalidat rekerí.

E trayekto aki ta marka un paso importante den direkshon di un aserkamentu duradero i efektivo di maneho di vegetashon, ku un enfoke riba solushonnan ku ta resiliente i efisiente pa futuro. Nos ta kontinuá ku esaki den aña 2025.

Fondonan adishonal pa kamindanan di Boneiru

Den luna di sèptèmber di e aña aki, ministerio di Asuntunan Interno i Relashonnan den Reino a anunsiá ku gabinete hulandes ta pone € 16 mion disponibel pa mehorashon di kamindanan di Boneiru. Esaki ta duna Entidat Públiko Boneiru un impulso finansiero èkstra pa por bai plania nos trabounan di infrastruktura pa e añanan binidero den un forma struktural. Un ambishon importante ta por ehèmpel mehorashon di e konekshon entre Rincon i Playa. “Aktualmente nos ta trahando duru riba prioritashon i planifikashon pa aña 2025. Despues di informá Konseho Insular, Entidat Públiko Boneiru lo kompartí mas informashon tokante kiko boso por verwagt pa otro aña”, segun diputado Anjelica Cicilia. Finalmente nos ta supliká tur hende kordialmente pa tene kuenta ku e trabounan i eventual molèster ku por surgi pa motibu di esaki. Pa pregunta òf notifikashon tokante e trabounan boso por tuma kontakto ku civielewerken@bonairegov.com.     

FUENTE: OLB/LIVE99FM

NEDERLANDS:

R&O IN ACTIE: AANPAK VAN EN ONDERHOUD AAN ONS WEGENNET

Kralendijk –  Het openbaar lichaam Bonaire (OLB) heeft in juli 2024 een halfjaarlijkse update gegeven van de geplande werkzaamheden qua onderhoud aan ons wegennet. Met het einde van het jaar in zicht geeft het OLB wederom informatie over de reeds uitgevoerde en geplande infrastructurele werkzaamheden. Het beschikbare budget voor 2024 is in zijn geheel uitgegeven. In totaal is er in 2024 voor een bedrag van in totaal ca. $11,4 miljoen aan opdrachten verleend.

Onderhoud asfaltwegen

Er zijn diverse onderhoudswerkzaamheden verricht aan de asfaltwegen. Waar mogelijk zijn de meest urgente gaten gedicht. “Hoewel deze onderhoudsmaatregel niet volledig aansluit bij mijn visie op een effectieve aanpak, wordt deze toegepast vanwege het structureel achterstallige onderhoud aan het wegennet. Hiermee wordt nu verlichting geboden terwijl er via grotere projecten wordt geïnvesteerd in een duurzame verbetering van het wegennet”, aldus gedeputeerde Anjelica Cicilia.

Reconstructie projecten

Afgeronde reconstructieprojecten in 2024 zijn onder andere:

• Kaya Luna, Kaya Solo, Kaya Strea, Kaya Venus
• Kaya Felipe Clarinda, Kaya Haarlem, Kaya Den Haag
• Kaya Londres, Kaya Cyprus, Kaya Slovenia
• Kaya Rita
• Kaya Rubi, Kaya Amatista (in afronding)
• Kaya J.E. Nicolaas

De bovengenoemde projecten vertegenwoordigen een totale investering van circa $5,2 miljoen in ons wegennet, wat neerkomt op grofweg 3,7 kilometer aan vernieuwd wegennet.

Grote projecten waarvoor opdracht is gegeven in 2024 zijn onder andere:

• Tanki Matrimonio:er wordt gestart met de werkzaamheden aan de wijk Tanki Matrimonio. De nadruk ligt hierbij op de fundering en de afwatering van het gebied. Vervolgens zal verharding in de vorm van klinkers worden aangebracht;
• Kaya Tre en omgeving: de afwatering van het gebied wordt aangepakt. Vervolgens zullen de wegen worden verhard met klinkers. Het gaat hierbij specifiek om Kaya Tre, Kaya Drum en Kaya Bongo;
• Kaya Apelsina en Kaya Papaya aansluiten op Kaya M. Pourier: dit project is reeds in uitvoering. De afvoer-problematiek rondom deze straten wordt aangepakt. Ook wordt de weg voorzien van verharding inclusief een trottoir met klinkers;
• Reparatie vakken asfaltwegen: er zijn onderdelen van de Kaminda di Rincon die extra onderhoud nodig hebben. In de komende periode zullen vakken worden gerepareerd door de fundering weg te halen, nieuwe betonbanden aan te brengen inclusief een verharde berm en een nieuwe asfaltlaag;
• Kaya Proud: De verharding van Kaya Proud zal plaatsvinden middels een Design & Build (D&B) contract, waar de verantwoordelijkheid voor zowel het ontwerp als de uitvoering van het project bij de aannemer ligt. Aangezien D&B-aanbestedingen een nieuwe methode zijn voor R&O en de aannemers op Bonaire, is het juridische aspect een essentieel onderdeel van de aanbestedingsprocedure. Aanbesteding hiervan zal geschieden begin 2025. 

Bovengenoemde werkzaamheden zullen hervat worden na de bouwvakantie en zullen grotendeels in het eerste kwartaal van 2025 worden afgerond. Met deze projecten wordt in totaal ca. $3,8 miljoen geïnvesteerd in ons wegennet wat neerkomt op grofweg 4.6 kilometer aan vernieuwd wegennet.

Onderhoudswerkzaamheden rooien en dammen

Tijdens het groot achterstallig onderhoud aan het dammenareaal zijn er in totaal 20 dammen op het eiland aangepakt in de maanden augustus en september. Dit waren de volgende dammenstelsels:

Dam di Gurubu (1/3)	Dam Flor di Cuba + Yato Bako
Dam di Gurubu (2/3)	Dam Buchi Morieo
Dam di Gurubu (3/3) ront pos	Dam Magazina di Rei
Dam Mona Pasashi	Dam di Shon Aleu
Dam Doei Piar	Dam Tanki Ventura
Dam Hanchi Amboina	Dam di Paulus (Rincon)
Dam stelsel Kerkhof	Dam di Velt Pariba (Rincon)
Dam F.C.B.	Dam di Mexico
Dam Bara di Carta	Dam S.G.B. stelsel Kaya Gavilan
Dam di Roos	Dam di Yato Bako

De dam van Onima is bijvoorbeeld grondig aangepakt en momenteel is men bezig met de restauratie van de bestaande natuurlijke wanden zodat het water beter geborgen kan worden. Er is in verband met het regenseizoen van 2024 ook groot onderhoud verricht aan de vitale afwateringsrooien op het eiland. Dit waren de volgende rooistelsels:

Playa

Rooi Kaya Industria (Bonaco)

Rooi Betico Croes t/m rotonde Bonaco

Rooi Kaya International

Rooi gedeelte rondom SSO-gebouw

Rooi Kaya Hermand

Rooi rondom Stadion Playa

Rooi EEG boulevard (Te Amo)

Rooi Kaya Nikiboko Noord

Rooi Amboina

Rooi Kaya Korona/Hanchi Amboina

Rooi naast Garage Cordia

Rooi Kaya Maria C. Hellmund

Rooi rondom Van den Tweel

Rooi Kaya Industria Pariba

De rooistelsels in Rincon zijn in het 2e kwartaal volledig onderhouden.

Onderhoudswerkzaamheden aan afwateringsstelsel

In het 3e en 4e kwartaal van 2024 is er fors aandacht besteed aan het onderhoud van de afwateringstelsels op het eiland. Zo zijn er urgente reparaties aan waterbouwkundige constructies verricht en zijn er op diverse locaties afwateringsproblemen opgelost. De volgende afwateringsgevoelige gebieden die tijdens regenseizoenen jaarlijks klachten en meldingen hebben veroorzaakt zijn aangepakt:

• Kaya International ter hoogte van Port Bonaire;
• Kruising Kaya Sirena/Kaya America;
• Kruising Kaya Antonio Neuman;
• Kaya Gobernador N. Debrot (ter hoogte Bamboe Bali);
• Kaya Gobernador N. Debrot (Kaya Antonio Neuman t/m Parke Tului);
• Afwateringsysteem Kaya J.E. Nicolaas t/m gedeelte Kaya Princes Marie.

Afwateringsconstructies

De uitvoering van verschillende civieltechnische werkzaamheden op het gebied van onderhoud en ook de reconstructiewerkzaamheden aan het wegennet hebben geleid tot de vervanging van diverse duikers. Dit ter waarborging van de veiligheid, doorstroming van verkeer en doorstroom van regenwater. Zo zijn er reconstructie werkzaamheden uitgevoerd op de Kaya Sabana, Kaya Bonaire, Kaya Amsterdam en Kaya Maria C. Hellmund.

Kapploegwerkzaamheden

In het 2e kwartaal van dit jaar is een traject gestart om het beheer en onderhoud van groenvoorzieningen te herzien en te optimaliseren. In dit kader werd een pilotproject uitgerold, dat succesvol is afgerond en waardevolle resultaten heeft opgeleverd.

De behaalde resultaten vormen de basis voor het vaststellen van de nieuwe leidraad voor een structurele aanpak van het groenbeheer en het verder aanscherpen en versterken van de onderhoudsstructuur. Hiermee wordt niet alleen de continuïteit geborgd, maar ook de vereiste kwaliteit.

Dit traject markeert een belangrijke stap in de richting van een duurzame en doelgerichte aanpak van groenbeheer, met een focus op toekomstbestendige en efficiëntie oplossingen. Hiermee gaan we in 2025 verder.

Additionele fondsen weggennet Bonaire

Het ministerie van Binnenlandse zaken en Koninkrijkrelaties heeft in september van dit jaar bekend gemaakt dat het kabinet voor het verbeteren van het wegennetwerk van Bonaire € 16 miljoen vrijmaakt. Dit geeft het OLB een extra financiele impuls om onze infrawerkzaamheden voor de komende jaren structureel te kunnen gaan plannen. Een belangrijke ambitie is bijvoorbeeld het verbeteren van de verbinding tussen Rincon en Playa. “We werken momenteel hard aan de prioritering en de planning voor 2025. Het OLB zal na het informeren van de Eilandsraad meer informatie delen over wat u kunt verwachten voor het nieuwe jaar”, aldus gedeputeerde Anjelica Cicilia.

Tenslotte  verzoeken wij eenieder vriendelijk rekening te houden met de werkzaamheden en eventuele verstoringen die hieruit kunnen voortkomen. Voor vragen of meldingen over de werkzaamheden kunt u contact opnemen met civielewerken@bonairegov.com.