A KOMPARTÍ RESULTADO DI E INVESTIGASHON RELASHONÁ KU DUNAMENTU DI PÈRMIT I PARO DI KONSTRUKSHON SERKA TATA DI E ANTERIOR DIPUTADO CICILIA KU KONSEHO INSULAR

Kralendijk – Gezaghèber a informá Konseho Insular tokante resultado di e investigashon di echo i e investigashon di kontinuashon relashoná ku dunamentu di pèrmit i e paro di konstrukshon ku a imponé riba tata di e anterior diputado Cicilia.

For di e investigashon a resultá ku no tabatin kestion di konflikto di interes, influensiamentu òf faboresimentu di parti di e anterior diputado.

Den luna di mei di e aña akí nan a kuminsá ku e investigashon di echo despues di e paro di konstrukshon ku Direktorado di Supervishon i Mantenshon di Lei a imponé.

Kolegio Ehekutivo a disidí pa hasi e investigashon akí, pa motibu ku e tempu ei eks diputado Cicilia tabata responsabel pa e kartera di Planifikashon i Desaroyo i pa motibu ku tabata trata di un miembro di famia.

Meta di e investigashon tabata pa duna klaridat tokante e proseduranan relashoná ku e dunamentu di pèrmit i e medidanan di mantenshon di lei, i pa evitá ku por a surgi un aparensia di konflikto di interes. Despues di e investigashon di echo Gezaghèber a duna enkargo pa un investigashon di kontinuashon pa klarifikashon adishonal riba algun punto.

Un ofisina di investigashon regional ku eksperensia den investigashon forénsiko  i investigashon di integridat a hasi e investigashon di echo i di kontinuashon. E konklushonnan ta mustra ku no tin indikashon ku e anterior diputado a influensiá e prosedura.

Ku kompartimentu di e resultado, Gezaghèber ta spera ku tin klaridat pa tur partido enbolbí, ku e proseso por sirbi komo un lès pa siña for di dje, i ku e resultado akí ta fortifiká e konfiansa den manera di aktua di entidat públiko Boneiru.     

FUENTE: OLB/LIVE99FM

NEDERLANDS:

RESULTATEN ONDERZOEK NAAR VERGUNNINGVERLENING EN BOUWSTOP BIJ VADER VOORMALIGE GEDEPUTEERDE CICILIA GEDEELD MET EILANDSRAAD

Kralendijk – De Gezaghebber heeft de Eilandsraad geïnformeerd over de resultaten van het feitenonderzoek en vervolgonderzoek naar de vergunningverlening en de opgelegde bouwstop bij de vader van de voormalige gedeputeerde Cicilia.

Uit het onderzoek blijkt dat er geen sprake is geweest van belangenverstrengeling, beïnvloeding of bevoordeling door de voormalige gedeputeerde.

In mei van dit jaar startte het feitenonderzoek na de bouwstop die door de Directie Toezicht en Handhaving was opgelegd. Het Bestuurscollege besloot tot dit onderzoek omdat de gedeputeerde toen verantwoordelijk was voor de portefeuille Ruimte en Ontwikkeling en het om een familielid ging.

Het doel van het onderzoek was om duidelijkheid te geven over de procedures rondom de vergunningverlening en de handhavingsmaatregelen, en om te voorkomen dat er een schijn van belangenverstrengeling kon ontstaan. Na het feitenonderzoek gaf de Gezaghebber opdracht tot een vervolgonderzoek voor extra verduidelijking op enkele punten.

Het feiten- en vervolgonderzoek zijn uitgevoerd door een regionaal onderzoeksbureau met ervaring in forensisch en integriteitsonderzoek. De conclusies laten zien dat er geen aanwijzingen zijn dat de voormalige gedeputeerde de procedure heeft beïnvloed.

Met het delen van de resultaten hoopt de Gezaghebber dat er duidelijkheid is voor alle betrokken partijen, dat er geleerd kan worden van het proces en dat het vertrouwen in het handelen van het openbaar lichaam Bonaire wordt versterkt.