UPB TA MANDA MENSAHE KLA: BASTA KU FAYO DEN GOBERNASHON

Kralendijk, 15-08-2025 – Durante e reunion di Konseho Insular di Boneiru ayera nochi, Union Patriótiko Boneriano (UPB) a presentá tres moshon fuerte.

Ku esaki, frakshon ta manda un mensahe kla i fuerte: Boneiru ta meresé un gobernashon íntegro, ku ta traha ku desishon i ku ta transparante, i ku ta pone interes di komunidat riba interes di partido òf personal. Diputado Benito Dirkz a bati alarma tokante e bahamentu drástiko den porsentahe di graduádonan na enseñansa sekundario.

Sifranan ra mustra e komparashon di bahada for di 99% na 2020 pa solamente 79% na 2024.

Hopi studiante, ku tin Papiamentu komo idioma materno ta haña difikultat ku enseñansa na Hulandes. Lès di sosten i yudansa ku tarea a demostrá su efekto positivo.

Lastimamente ku pa hopi famia esaki ta imposibel pa paga. Frakshon di UPB ta eksigí Kolegio Ehekutivo pa pone fondo i rekursonan disponibel mas pronto posibel, en todo kaso promé ku inisio di aña eskolar nobo na ougùstùs 2025, pa mayornan di alumnonan ku ta presta bou di nivel òf ta luchando ku retrasonan den siñamentu pa motibu di insufisiente rekurso pa por paga un lès di sostén ku guia pa nan yunan.

Na nomber di frakshon, Jona Chirino- Felida a presentá un moshon pa haña klaridat riba e retiro aprupto di dos diputado, direktamente despues di un enkuentro ku partnernan di kualishon. Tin señal ku por tin mas motibo ku e splikashon ofisial ta indika.

UPB ke un inbestigashon eksterno i independiente ku ta duna klaridat kompleto riba loke a sosodé i ku ta yega ku rekomendashon pa mehorá gobernashon. Lider di frakshon James Kroon a indiká ku tin stagnashon den gobernashon, falta di transparensia i no ta ehekutá proyekto urgente, aunke ku tin fondo disponibel. Segun frakshon, eks-diputado Cicilia i Den Heyer a wòrdu seriamente stroba den nan trabou pa motibu di metementu indebido di diputado Abraham, ku eventualmente a kondusí na nan retiro.

UPB ta pone Abraham responsabel pa fayo kolektivo den gobernashon i pa esaki a presentá un moshon di deskonfiansa kontra dje. Ku e tres moshonnan aki, frakshon di UPB ke manda un mensahe kla: Boneiru tin nesesidat urgente di un gobernashon transparante, íntegro i ku ta traha ku desishon, ku ta pone interes públiko riba interes di partido òf personal.

Ademas, tur hóben mester haña oportunidat igual pa logra éksito na skol. Notabelmente, ningun di e tres moshon no a logra mayoria den Konseho Insular. Frakshon di UPB ta lamentá ku no tabata tin sosten sufisiente pa moshonnan aki ku ta di gran importansia pa restorá konfiansa den gobernashon i pa garantisá oportunidat igual pa nos hóbennan di Boneiru.

FUENTE: FRAKSHON DI UPB/LIVE99FM

NEDERLANDS:

UPB STUURT DUIDELIJKE BOODSCHAP: GENOEG VAN FALEN IN HET BESTUUR

Kralendijk,- Tijdens de vergadering van de Eilandsraad van Bonaire heeft de Union Patriótiko Boneriano (UPB) drie krachtige moties ingediend.

De fractie wil daarmee een duidelijk signaal afgeven: Bonaire verdient een bestuur dat integer, daadkrachtig en transparant is, en dat het belang van de gemeenschap boven partij- of persoonlijke belangen stelt.

aadslid Benito Dirkz sloeg alarm over de forse daling van het slagingspercentage in het voortgezet onderwijs: van 99% in 2020 naar slechts 79% in 2024. Veel leerlingen, met Papiamentu als moedertaal, worstelen met onderwijs in het Nederlands.

Bijlessen en huiswerkbegeleiding hebben bewezen effect, maar blijven voor veel gezinnen met beperkte middelen onbetaalbaar. De UPB[1]fractie eist dat het bestuurscollege vóór de start van het schooljaar 2025-2026 structureel middelen beschikbaar stelt voor betaalbare, kwalitatieve begeleiding, uitgevoerd door gespecialiseerde instellingen.

Namens de fractie diende Jona Chirino een motie in om helderheid te krijgen over het plotselinge vertrek van twee gedeputeerden, direct na een overleg met coalitiepartners. Er zijn signalen dat er meer aan de hand is dan de officiële lezing doet vermoeden.

De UPB wil een onafhankelijk extern onderzoek dat volledig inzicht geeft in de gebeurtenissen en aanbevelingen doet om het bestuur te verbeteren. Fractieleider James Kroon wees op de bestuurlijke stilstand, het gebrek aan transparantie en het niet uitvoeren van urgente projecten, ondanks dat de financiële middelen beschikbaar zijn.

Voormalige gedeputeerden Cicilia en Den Heyer zouden volgens de fractie ernstig zijn gehinderd door ongepaste inmenging van gedeputeerde Abraham, wat uiteindelijk leidde tot hun plotselinge vertrek. De UPB acht hem verantwoordelijk voor collectief bestuurlijk falen en diende daarom een motie van wantrouwen tegen hem in.

Met deze drie moties wil de UPB-fractie een duidelijke boodschap afgeven: Bonaire heeft behoefte aan transparant, integer en daadkrachtig bestuur, dat het algemeen belang boven partij- of persoonlijke belangen stelt. Daarnaast moeten alle jongeren, ongeacht hun thuissituatie, gelijke kansen krijgen om succesvol te zijn in hun schoolloopbaan.

Opmerkelijk genoeg hebben geen van de drie moties een meerderheid in de Eilandsraad behaald. De UPB-fractie betreurt dat er onvoldoende steun was voor voorstellen die van groot belang zijn voor het herstel van vertrouwen in het bestuur en voor het creëren van gelijke kansen voor de jeugd van Bonaire