Kralendijk.- Awe, Korte a dikta sentensia tokante di e desishon di sustitushon tumá pa

Representante di Reino riba 15 di desèmber 2024.

Pa medio di e desishon aki, Representante di Reino a disidí pa remplasá Kolegio Ehekutivo pa loke ta trata e tumamentu di desishonnan nesesario den e área di otorgamentu di pèrmit, supervishon i enforsamentu serka Selibon Lagun. 

Korte ta huzga ku e sustitushon aki no por keda mantené.

No ta pasobra no tabata tin motibu pa un sustitushon; segun huisio di Korte sí tabata tin motibu, konsiderando ku Kolegio Ehekutivo no a tuma sierto desishonnan – òf a tuma nan parsialmente – miéntras sí mester a tuma nan. Por ehèmpel, Kolegio Ehekutivo no a tuma akshon di enforsamentu kontra e echo ku e lèntfel i parti di e sentro di residuo na Selibon Lagun tabata funshonando sin pèrmit. Ademas, Kolegio Ehekutivo a aktuá solamente parsialmente kontra infrakshonnan di e regulashonnan inkluí den e pèrmit di establesimentu di Selibon Lagun.

E infrakshonnan kontra kua inkorektamente no a tuma akshon di enforsamentu tin di aber ku e almasenamentu di material ku ta kontené asbèst i desechonan biomédiko, e deramentu di desechonan di matadero i (e echo ku no a) pone hèkwèrk. 

E desishon di sustitushon no por keda mantené debí na e echo ku Representante di Reino, di akuerdo ku e eskala di intervenshon ku e mes a deklará aplikabel, mester a duna Kolegio Ehekutivo un último término (sumamente kòrtiku) pa tuma e medidanan preskribí pa Representante di Reino. Apesar ku e situashon na Selibon Lagun ta urgente, segun huisio di Korte sí tabata tin espasio pa duna Kolegio Ehekutivo un último término kòrtiku. 

E sentensia di Korte no ta enserá ku mester deshasí e desishonnan tumá i e medidanan implementá pa Representante di Reino. Korte ta asumí ku Kolegio Ehekutivo lo implementá e medidanan ku ainda no a realisá, i ku Kolegio Ehekutivo i Representante di Reino lo kontinuá nan deliberashon di manera konstruktivo.

Al fin i al kabo, un diskushon hurídiko tokante di un sustitushon – en bes di un solushon riba término kòrtiku i término largu pa e problemátika rondó di e prosesamentu di residuo serka Selibon Lagun – lo no benefisiá e siudadanonan di Boneiru. 

FUENTE: OM BONAIRE/LIVE99FM

NEDERLANDS:

BESLUIT TOT INDEPLAATSSTELLING VAN DE RIJKSVERTEGENWOORDIGER AANGAANDE SELIBON LAGUN

 Kralendijk.- Het Gerecht heeft vandaag uitspraak gedaan over het besluit tot indeplaatsstelling van de rijksvertegenwoordiger van 15 december 2024.

In dit besluit heeft de rijksvertegenwoordiger beslist om in plaats van het bestuurscollege te voorzien in de benodigde beslissingen op het gebied van vergunningverlening, toezicht en handhaving bij Selibon Lagun. 

Het Gerecht is van oordeel dat de indeplaatsstelling niet in stand kan blijven. Niet omdat er geen reden was voor een indeplaatsstelling, die reden was er naar het oordeel van het Gerecht wel. Het bestuurscollege heeft namelijk bepaalde besluiten niet of niet volledig genomen, terwijl dat wel had gemoeten.

Zo heeft het bestuurscollege niet handhavend opgetreden tegen het zonder vergunning in werking zijn van de stortplaats en een deel van het afvalcentrum op Selibon Lagun. Ook heeft het bestuurscollege slechts gedeeltelijk opgetreden tegen overtredingen van de voorschriften bij de oprichtingsvergunning van Selibon Lagun. De overtredingen waartegen ten onrechte niet is opgetreden, zien op het opslaan van asbesthoudend materiaal en biomedisch afval en op het begraven van slachtafval en het (niet) plaatsen van een hekwerk. 

Het besluit tot indeplaatsstelling kan niet in stand blijven omdat de rijksvertegenwoordiger in lijn met de door hem zelf van toepassing verklaarde bestuurlijke interventieladder het bestuurscollege een laatste (zeer korte) termijn had moeten stellen om alsnog zelf de door de rijksvertegenwoordiger voorgeschreven maatregelen te treffen.

De situatie bij Selibon Lagun is weliswaar urgent, maar er was naar het oordeel van het Gerecht wel ruimte om het bestuurscollege een laatste korte termijn te stellen. 

Het gevolg van de uitspraak van het Gerecht is niet dat de door de rijksvertegenwoordiger genomen besluiten en gerealiseerde maatregelen ongedaan moeten worden gemaakt. Het Gerecht gaat ervan uit dat het bestuurscollege de nog niet gerealiseerde maatregelen alsnog realiseert en dat het bestuurscollege en de rijksvertegenwoordiger hun overleg op constructieve wijze voortzetten.

Uiteindelijk zijn de inwoners van Bonaire niet gebaat bij een juridische discussie over een indeplaatsstelling, maar bij een korte én lange termijnoplossing voor de problematiek rondom de afvalverwerking bij Selibon Lagun.