MBO A SERA E PROYEKTO DI “ADOPTIE GROOTOUDER NELLY CLARINDA-KOCK ” 2024 KU UN BUNITA DESAYUNO DI PASKU.

Kralendijk, – Den un ambiente masha ameno awe mainta, Studiantenan di MBO Bonaire ku ta siguindo e estudionan Helpende Zorg en Welzijn i Medewerker Sport en Recreatie ku ta forma parti di e bunita proyekto ‘Adoptie grootouder Nelly Clarinda- Kock’ ku ya pa tres aña eskolar esaki ta un éksito, a sera e temporada di 2024 ku un tremendo desayuno di pasku pa tur e adoptie grootouder nan kaminda ku nan a disfruta di un tremendo desayuno i tambe musika.

E aña akí banda di e aktividatnan kustumbrá den kuadro di e proyekto, a bini ku e inisiativa pa diseñá un kalènder di aña 2025 ku potrèt di diferente hende grandi adoptá, ku e meta pa inspirá pueblo di Boneiru, kual tambe a keda batisa ku un bunita orashon hasi pa un di e grandinan kual na final tur nos grandinan a risibi un kalender kual por sierto ta hopi bunita.

Ta bon pa bisa ku esnan ku ta interesa den e kalender aki por pasa skol i kumpra nan kalender i asina kopera ku e studiantenan pa asina nan por logra bende tur e kalènder di kual ku e fondonan rekoudá ta pa organisá un aktividat grandi di ‘Ban topa’ pa un kantidat mas grandi di hende di edat avansá na Boneiru durante e promé kuartal di aña 2025.

FUENTE: LIVE99FM